Уладзіслаў Юзафат Сапега
Уладзіслаў Юзафат Сапега[2] (5 лістапада 1652, Косава — 13 сакавіка 1733, Вішніцы) — вялікалітоўскі дзяржаўны і ваенны дзеяч. Чашнік (1681—1684) і крайчы вялікі літоўскі (1684—1699), ваявода менскі (1699—1709) і берасцейскі (з 1709).
| Уладзіслаў Юзафат Сапега | |||||||
|---|---|---|---|---|---|---|---|
| Władysław Jozafat Sapieha | |||||||
.jpg) У. Ю. Сапега. З Кодзенскай галерэі, 1709 | |||||||
 Герб «Ліс» | |||||||
|
|||||||
| Папярэднік | Крыштаф Камароўскі | ||||||
| Пераемнік | Адам Тадэвуш Хадкевіч | ||||||
| Нараджэнне |
5 лістапада 1652 |
||||||
| Смерць |
13 сакавіка 1733 (80 гадоў) |
||||||
| Месца пахавання | |||||||
| Род | Сапегі | ||||||
| Бацька | Крыштаф Францішак Сапега | ||||||
| Маці | Алена з Саламярэцкіх | ||||||
| Жонка |
Уршуля з Даніловічаў Людвіка Марыя фон Гольц Крысціна з Сангушкаў |
||||||
| Дзеці |
ад 1-га шлюбу: Яна ад 3-га шлюбу: Караль Юзаф, Казімір, Ян, Ганна, Міхал, Францішак, Юзафат, Канстанцыя, Ігнацы |
||||||
| Адукацыя | |||||||
| Дзейнасць | палітык | ||||||
| Званне | ротмістр | ||||||
Біяграфія правіць
З кодзенскай лініі магнацкага роду Сапегаў герба «Ліс», сын Крыштафа Францішка і Алены з Саламярэцкіх. Меў братоў Станіслава Казіміра і Андрэя Францішка.
Навучаўся ў езуіцкіх калегіумах у Любліне і Брунсбергу (Браневе), універсітэтах Прагі і Вены.
Удзельнічаў у вайне 1673—1674 супраць туркаў (Хоцінская бітва, украінская кампанія 1674 года Міхала Казіміра Паца).
Абіраўся паслом на соймы, быў дэпутатам Галоўнага Трыбунала. У часе Паўночнай вайны (1700—1721) выступаў за саюз з Расіяй[3].
Упершыню ажаніўся з Уршуляй Даніловіч (шлюб у 1658, развод у 1693), з якой меў дачку Яну. Другі раз пабраўся шлюбам з Людвікай Марыяй фон Гольц (у 1693), трэці раз — з Крысцінай Сангушкай (у 1697), з якой меў сыноў Караля Юзафа, Казіміра, Яна, Міхала, Францішка, Юзафата і Ігнацыя, а таксама дачок Ганну і Канстанцыю. Пахавалі Уладзіслава Юзафата Сапегу ў Вішніцах[4].
Гл. таксама правіць
Зноскі
- ↑ Гісторыя Сапегаў : жыццяпісы, маёнткі, фундацыі — Мн.: Віктар Хурсік, 2017. — С. 97. — 586 с. — ISBN 978-985-7025-75-6
- ↑ Іншы варыянт імя: Уладзіслаў Язафат Сапега
- ↑ ЭнцВКЛ 2005.
- ↑ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 203.
Літаратура правіць
- Грыцкевіч А. Сапегі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 549. — 792 с. — ISBN 985-11-0378-0 (т. 2), ISBN 985-11-0315-2.
- Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8.