Універсітэт імя Ёсіпа Юрая Штросмаера
Універсітэт імя Ёсіпа Юрая Штросмаера ў Осіеке (харв.: Sveučilište J. J. Strossmayera u Osijeku) — універсітэт у харвацкім горадзе Осіек. Заснаваны ў 1975 годзе. Ва ўніверсітэце навучаецца 20 000 студэнтаў (2008 год), працуе 1150 навукоўцаў. Рэктар універсітэта — Гордана Кралік. Універсітэцкая бібліятэка налічвае больш за 550 000 тамоў.
| Універсітэт імя Ёсіпа Юрая Штросмаера | |
|---|---|
| харв.: Svečilište J. J. Strossmayera u Osijeku | |
 | |
| Арыгінальная назва | харв.: Svečilište J. J. Strossmayera u Osijeku |
| Міжнародная назва | University in Osijek |
| Заснаваны | 1975 |
| Рэктар | Гордана Кралік |
| Студэнты | 20 000(згодна з дадзенымі на 2008) |
| Размяшчэнне | Осіек, Харватыя |
| Сайт | unios.hr |
Гісторыя правіць
Навучанне ў вышэйшых школах мае ў Осіеке доўгую традыцыю. Яшчэ ў 1707 і 1724 гадах тут былі заснаваныя школа філасофіі і школа багаслоўя. У 1959 годзе ў Осіеке адкрыўся філіял эканамічнага факультэта Заграбскага ўніверсітэта. 26 сакавіка 1975 харвацкі парламент прыняў рашэнне аб заснаванні ў горадзе Осіек паўнавартаснага ўніверсітэта. Установа вядома перш за ўсё як педагагічны ўніверсітэт, паколькі ён працягваў традыцыю мясцовай педагагічнай акадэміі.
Галоўны корпус універсітэта быў пабудаваны ў 1895 годзе.
Універсітэт названы ў гонар каталіцкага тэолага і палітыка Ёсіпа Юрая Штросмаера (1815-1905).
Структура правіць
- Факультэт грамадзянскага будаўніцтва, з кафедрамі грамадзянскага будаўніцтва, гідратэхнікі, кіравання будаўніцтвам
- Факультэт электратэхнікі, з кафедрамі электратэхнікі, сувязі і інфарматыкі і электратэхнікі
- Юрыдычны факультэт
- Факультэт сельскай гаспадаркі і жывёлагадоўлі, з дэпартаментамі сельскай гаспадаркі, землекарыстання, машынабудавання, заатэхнікі, экалогіі
- Факультэт каталіцкай тэалогіі
- Факультэт сельскагаспадарчага машынабудавання і харчовых тэхналогій, з аддзеламі харчовых тэхналогій, харчовай інжынерыі, тэхналогіі вытворчых працэсаў
- Факультэт машынабудавання, тут займаюцца распрацоўкамі, вытворчасцю, лагістыкай, матэрыялазнаўствам, інжынернымі тэхналогіямі
- Медыцынскі факультэт з кафедрамі медыка-біялогіі і медыцыны
- Педагагічны факультэт з настаўніцкім дэпартаментам
- Факультэт філасофіі з кафедрамі філасофіі, педагогікі, псіхалогіі, гісторыі, мовы і літаратуры (харватыстыкі, германістыкі, англістыкі) і інфармацыйных навук
- Факультэт эканомікі і прадпрымальніцтва з дэпартаментамі: рэгіянальнае планаванне і кіраванне, фінансы, маркетынг, кіраванне бізнесам (эканоміка, камп'ютарныя навукі, гандаль і лагістыка)
- Біялагічны факультэт
- Хімічны факультэт
- Матэматычны факультэт
- Фізічны факультэт
- Акадэмія мастацтваў з аддзяленнямі музыкі, мастацтва і драмы
Літаратура правіць
- Ljetopis— Pedagoški fakultet, Sveučilište J. J. Strossmayera, Osijek, 2000.
- Sveučilište J. J. Strossmayera u Osijeku, Osijek, 1991/1992.