Уолтэр Персі Крайслер

Уолтэр Персі Крайслер (2 красавіка 1875, Вэймега, (штат Канзас) — 18 жніўня 1940) — амерыканскі аўтамабілебудаўнік, прамысловец, заснавальнік карпарацыі Крайслер.

Уо́лтэр Пе́рсі Кра́йслер
Walter Percy Chrysler
заснавальнік карпарацыі Chrysler
Род дзейнасці токар, інжынер, выканаўчы дырэктар, прамысловец, прадпрымальнік
Дата нараджэння 2 красавіка 1875(1875-04-02)[1][2]
Месца нараджэння
Дата смерці 18 жніўня 1940(1940-08-18)[1][2] (65 гадоў)
Месца смерці
Месца пахавання
Грамадзянства
Бацька Henry Chrysler[d][3]
Дзеці Walter Percy Chrysler Jr.[d] і Bernice Chrysler[d]
Месца працы
Лагатып Вікісховішча Медыяфайлы на Вікісховішчы

Біяграфія правіць

Уолтэр Персі Крайслер нарадзіўся 2 красавіка 1875 года ў мястэчку Вэймега у штаце Канзас.

Любоў да тэхнікі прывяла хлапчука ў чыгуначных майстэрняў. Ён марыў стаць машыністам, але пачынаць прыйшлося з прыбіральшчыка, затым вучня слесара. У 22 гады, атрымаўшы сертыфікат кваліфікаванага механіка, Крайслер змяніў некалькі чыгуначных кампаній, хутка прасоўваючыся па кар’ернай лесвіцы. Неўзабаве ён ужо займаў пасаду генеральнага кіраўніка трэста American Locomotive Co.

Кар’ера правіць

Працаваў механікам на чыгунцы, цікавіўся веласіпедамі і першымі матацыкламі, рамантаваў іх.

У 1912 годзе Крайслер перайшоў у кампанію Б’юік, а ўжо ў 1916 ўзначаліў яе, займаючы пасаду Прэзідэнта.

Яшчэ праз тры гады Крайслер стаў віцэ-прэзідэнтам канцэрна General Motors, куды ўваходзіла фірма Buick.

У 1920—1924 гадах Крайслер заняўся рэарганізацыяй кампаній Willys-Overland і Maxwell Chalmers.

Усе гэтыя гады Крайслер марыў аб стварэнні ўласнага аўтамабіля, у якім ён мог ўвасобіць ўвесь свой багаты досвед і ідэі аб тэхнічнай дасканаласці аўтамабіля і камфорце. Знаёмства з трыма інжынерамі — Фрэдам Зэдэрам, Оўанам Скелтанам і Карлам Брэерам дапамагло ў рэалізацыі гэтых планаў. На плошчах, што вызвалілася з-за банкруцтва Chalmers, і быў сабраны першы аўтамабіль. Ім стаў Chrysler 70. Гэты аўтамабіль меў шалёны поспех у ЗША. У першы жа год іх было прададзена больш за 32,000 штук.

Зноскі

  1. а б Walter Chrysler // GeneaStar
  2. а б Walter Chrysler // Roglo — 1997. — 9000000 экз.
  3. geni.com — 2006.