Усевалад Родзевіч

Усевалад Родзевіч (11 верасня 1916, Піншчына — 17 ліпеня 1998, Сідней, Аўстралія) — беларускі грамадскі дзеяч, лейтэнант БКА.

Усевалад Родзевіч
Дата нараджэння	11 верасня 1916(1916-09-11)
Месца нараджэння	Пінскі павет, Мінская губерня, Расійская імперыя
Дата смерці	17 ліпеня 1998(1998-07-17) (81 год)
Месца смерці	Сідней, штат Новы Паўднёвы Уэльс, Аўстралія
Альма-матар	Львоўскі гандлёва-эканамічны ўніверсітэт (1930-я)
Член у	Беларуская цэнтральная рада Беларуская краёвая абарона Беларускае аб’яднанне ў Аўстраліі

Біяграфічныя звесткі

Усевалад Родзевіч нарадзіўся ў сям’і праваслаўнага вайсковага святара. Вучыўся ў польскай гімназіі ў Пінску, пазней — у Гандлёвай акадэміі ў Львове. Мабілізаваны ў польскае войска ў 1939 годзе, трапіў у нямецкі палон. Па вызваленні з палону з падачы Гестапа трапіў у канцэнтрацыйны лагер ў Трыры. Адтуль здолеў вярнуцца ў Беларусь і стаў ад’ютантам Прэзідэнта БЦР Радаслава Астроўскага, лейтэнантам БКА. Удзельнічаў на Другім Усебеларускім кангрэсе.

Па вайне некаторы час жыў у Мюнхене, а з 1949 года разам з сям’ёй выехаў у Аўстралію, дзе пасяліўся ў Сіднеі. Быў сябром Беларускага аб’яднання ў Аўстраліі. Пазней удзельнічаў у нацыянальных дзеях, ладжаных Беларускім культурна-грамадскім клубам. Меў намер напісаць мемуары, але не паспеў.

Спасылкі

• Родзевіч Усевалад(бел. (тар.)) // Запісы. — Нью-Ёрк — Менск: БІНіМ, 2014. — № 37. — С. 182—183.