Усехсвяцкая царква (Тураў)

Царква ў імя Усіх Святых — праваслаўны храм у г. Тураў Жыткавіцкага раёна Гомельскай вобласці.

Славутасць
Усехсвяцкая царква
52°03′59″ пн. ш. 27°44′30″ у. д.
Краіна	Беларусь
Месцазнаходжанне	Тураў
Канфесія	БПЦ
Епархія	Тураўская епархія
Медыяфайлы на Вікісховішчы

Гісторыя

Тураўская царква Усіх Святых. Фотаздымак І. Сербава, 1912 год.

На вуліцы Леніна, на могілках. Пабудавана ў 1810 г. (па іншых звестках — у 1870) з дрэва на месцы храма 1801 г. Адкрыта ў 1980 г. ў час святкавання 1000-годдзя горада.

Архітэктура

Помнік народнага дойлідства. Трохзрубны храм складаецца з прамавугольнага аб’ёму, у якім аб’яднаны прытвор і бабінец, квадратная ў плане малітоўная зала і апсіда. Першапачаткова зрубы завяршаліся шатровымі дахамі з галоўкамі і крыжамі. У пачатку 20 ст. шатры заменены двухсхільнымі дахамі, над прытворам надбудавана васьмерыковая шатровая званіца. Вертыкальна ашаляваныя фасады прарэзаны прамавугольнымі аконнымі праёмамі, уваход вылучаны двухслуповым ганкам пад двухсхільнай навіссю.

Інтэр’ер

Іканапісны складзень «Наталля. Маці Божая Адзігітрыя. Рафаіл». 1760. НММ РБ

У малітоўную залу шырокім прамавугольным прасветам адкрываецца бабінец. Апсіда вылучана прасветам са зрэзанымі вугламі і двух’ярусным разным іканастасам, царскія вароты якога выкананы ў стылі ракако.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Усехсвяцкая царква (Тураў)
• Усехсвяцкая царква (Тураў) на сайце Праваслаўная архітэктура Беларусі (бел.)
• Усехсвяцкая царква (Тураў) на сайце Глобус Беларусі (руск.)
• Усехсвяцкая царква (Тураў) на сайце Radzima.org
• Усехсвяцкая царква (Тураў) на сайце «Архіварта»