Уільям Морыс
Уільям МОРЫС (William Morris; 24 сакавіка 1834, Уолтэмстоу — 3 кастрычніка 1896,Лондан) — англійскі мастак, пісьменнік, тэарэтык мастацтва, грамадскі дзеяч.
| Уільям Морыс | |
| англ.: William Morris | |
 Партрэт Уільяма Морыса пэндзля Джорджа Фрэдэрыка Уотса, 1870. | |
| Дата нараджэння: | 24 сакавіка 1834[1][2][…] |
|---|---|
| Месца нараджэння: | |
| Дата смерці: | 3 кастрычніка 1896[1][2][…] (62 гады) |
| Месца смерці: | |
| Грамадзянства: |
 Вялікабрытанія |
| Жонка: | Jane Morris[d] |
| Дзеці: | Jane Alice Morris[d] і May Morris[d] |
| Род дзейнасці: | тыпограф, архітэктар, паэт, перакладчык, графічны дызайнер, тэкстыльны дызайнер, пісьменнік, мастак, industrial designer, пісьменнік-фантаст, дзеяч пластычных мастацтваў, аўтар-выканаўца, Taschenspieler, эсперантыст, палітык, ілюстратар |
| Вучоба: | |
| Стыль: | прэрафаэлітызм |
 Працы на Вікісховішчы | |
Вучыўся ў Оксфардскім універсітэце (1853—56). 3 1856 працаваў у архітэктурнай майстэрні Дж. Э. Стрыта ў Лондане. У 1857—62 займаўся жывапісам.
3 1860-х г. пад уплывам ідэй прэрафаэлітаў, І. Карлейля і Дж. Рэскіна выступаў з рамантычнай крытыкай буржуазнага ладу, машыннай вытворчасці проціпастаўляў народныя рамёствы, традыцыі ручной працы і індывідуальную мастацкую творчасць, у якіх бачыў сродак эстэтычнага выхавання і пераўвасаблення грамадства. У 1861—62 заснаваў (з П. Маршалам і Ч. Фолкнерам) мастацка-прамысловую кампанію (саматужныя майстэрні дэкаратыўнай размалёўкі, мэблі, тканін, металічных вырабаў, вітражоў, шпалер, вышывак і інш.), у 1890—91 — Келмскоцкае выдавецтва. Вырабы яго майстэрняў, афармленне інтэр'ераў і кніг вызначаліся рысамі дэкаратыўных стылізацый у духу сярэдневяковага мастацтва. Творчасць У. Морыса папярэднічала ўзнікненню стылю мадэрн і заклала асновы мастацкага канструявання.
Імкненне да сярэдневяковых матываў і рамантычнай стылізацыі вобразаў уласціва і для яго літаратурнай творчасці: паэмы «Абарона Гінеўры» (1858), «Зямны рай» (ч. 1—3, 1868—70), аповесці «Сон пра Джона Бола» (1888). Аўтар сацыяльна-ўтапічнага рамана «Звесткі ніадкуль, або Эпоха шчасця» (1891).
«Каралева Гвінеўра» («Queen Guinevere»), 1858
Шпалеры з лісцяным арнаментам па дызайне Уільяма Морыса, 1875
Фрагмент габелена «Дзяцел» («Woodpecker») па дызайне Уільяма Морыса, 1885
Зноскі
- ↑ 1,0 1,1 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118584251 // Агульны нарматыўны кантроль — 2012—2016. Праверана 27 красавіка 2014.
- ↑ 2,0 2,1 data.bnf.fr: платформа адкрытых дадзеных — 2011. Праверана 10 кастрычніка 2015.
- ↑ 3,0 3,1 William Morris
- ↑ 4,0 4,1 Моррис Уильям // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
ЛітаратураПравіць
- Морыс // БЭ ў 18 т. Т. 10. Мн., 2000.
СпасылкіПравіць
На Вікісховішчы ёсць медыяфайлы па тэме Уільям Морыс- Вітражы (англ.)
