Уладзімір Іосіфавіч Дзядзюшка

Уладзімір Іосіфавіч Дзядзюшка (14 лютага 1905—30 сакавіка 1973) — беларускі акцёр тэатра і кіно.

Уладзімір Іосіфавіч Дзядзюшка
паштовая марка Рэспублікі Беларусь, 2005
Дата нараджэння	1 (14) лютага 1905(1905-02-14)
Месца нараджэння	Мінск, Мінскі павет, Мінская губерня, Расійская імперыя
Дата смерці	30 сакавіка 1973(1973-03-30) (68 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	СССР
Прафесія	акцёр
Гады актыўнасці	1947—1971
Тэатр	БелАДТ імя Я. Купалы
Прэміі
Узнагароды
IMDb	ID 0214141
Медыяфайлы на Вікісховішчы

Біяграфія

Артысты К. Быліч, У. Дзядзюшка, Б. Бусел. 1920-я

У 1923—1937 гадах — артыст Беларускага трэцяга дзяржаўнага драматычнага тэатра, з 1937 — акцёр БелАДТ імя Я. Купалы. Асаблівага поспеху дасягнуў у нацыянальнай драматургіі. В. Дзядзюшка — адзін з найбольш яркіх прадстаўнікоў беларускага нацыянальнага тэатра, акцёр глыбока народны, самабытны. Бліскучы народны гумар, выдатнае майстэрства на працягу многіх гадоў паказваў у спектаклі «Паўлінка» Я. Купалы ў ролі Сцяпана Крыніцкага. Мяккасць, лірызм і гумар уласцівыя многім яго сцэнічным персанажам. У яго творчасці мяккі пластычны малюнак ролі, востра выяўленыя рысы характару, псіхалагічна матываваныя ўчынкі спалучаліся з яркім нацыянальным каларытам.

Здымаўся ў кіно і тэлевізійных пастаноўках: «Суд», «Людзі на балоце» і інш. Памёр 30 сакавіка 1973. Пахаваны ў Мінску на Усходніх могілках.

Літаратура

• Дзядзюшка Уладзімір Іосіфавіч // Бел. энцыкл. Мн., 1998. Т. 6. С. 135—136.
• Дзядзюшка Уладзімір Іосіфавіч // Тэатральная Беларусь: Энцыкл. Мн., 2002. Т. 1. С. 345—347.