У тумане (фільм)
«У тумане» — ваенны фільм рэжысёра Сяргея Лазніцы, зняты па аднайменнай аповесці Васіля Быкава. Карціна ўдзельнічала ў асноўнай конкурснай праграме 65-га Канскага кінафестывалю, дзе была ганаравана спецыяльнага прыза ФІПРЭССІ. Каментуючы рашэнне канскіх адборшчыкаў, кіназнаўца Андрэй Плахаў адзначыў, што ў новай стужцы Лазніцы, чый папярэдні фільм «Шчасце маё» быў неадназначна ўспрыняты ў Расіі, «няма нічога асабліва шакавальнага, а таксама антыпатрыятычнага». Па словах крытыка, карціна «У тумане» вытрымана ў жанры «экзістэнцыяльнай драмы на партызанскім матэрыяле»[6].
У тумане | |
|---|---|
.jpg) | |
| Жанр | драматычны фільм[2], фільм пра партызанаў[d] і ваенны фільм[d] |
| Рэжысёр | |
| Сцэнарыст | |
| У галоўных ролях |
|
| Аператар | |
| Кінакампанія |
MA.JA.DE Fiction Rija Films Lemming Film Беларусьфільм Кінакампанія «Джы Пі» ZDF/ARTE |
| Працягласць | 127 хв. |
| Бюджэт | 2 млн. еўра[1] |
| Краіна |
 Германія Расія Нідэрланды Беларусь Латвія |
| Мова | руская |
| Год | 2012 |
| IMDb | ID 2325741 |
| Афіцыйны сайт (англ.) | |
Сюжэт правіць
1942 год, Беларусь акупавана нямецкімі войскамі. Падчас расследавання справы аб падрыве цягніка немцы арыштоўваюць шляхавога абходчыка Сушчэню, але затым нечакана адпускаюць. Мясцовыя жыхары пачынаюць падазраваць таго ў супрацоўніцтве з захопнікамі. Двое партызан адводзяць Сушчэню ў лес, дзе збіраюцца забіць яго як здрадніка. На шляху да месца пакарання яны трапляюць у засаду арганізаваную гестапаўцамі, якія выкарыстоўвалі Сушчэню як прынаду, каб злавіць партызан. Адзін партызан гіне, другога паранілі. Сушчэня застаецца з ім сам-насам і ў яго з'яўляецца шанец даказаць сваю невінаватасць. Аднак, гісторыя для ўсіх мае трагічны канец.
У ролях правіць
- Уладзімір Свірскі — шляхавы абходчык Сушчэня
- Уладзіслаў Абашын — партызан Свідраў
- Сяргей Колесаў — партызан Войцік
- Сяргей Рускін — паліцай
- Цімафей Трыбунцаў — паліцай
- Барыс Каморзін — паліцай
- Міхаіл Яўланаў — паліцай
- Ігар Хрыпуноў — Міроха
- Кірыла Пятроў— Карабан
- Дзмітрый Быкоўскі — Ярашэвіч
- Надзея Маркіна — маці Бурава
- Улад Іваноў — Гросмеер
- Юлія Перасільд — Анэля
Водгукі правіць
З рэцэнзіі на фільм у часопісе «Сеанс»:
Старападобным, ледзь не савецкім здаўся некаторым крытыкам фільм Сяргея Лазніцы «У тумане», які быў узнагароджаны ў Канах прызам ФІПРЭССІ і перамог у цяжкім конкурсным спаборніцтве ў Плесе. Тым часам менавіта ў гэтай «астаркаватасці» праяўляецца яго адвага і сучаснасць.[7]
Узнагароды і намінацыі правіць
- Прыз FIPRESCI за лепшы фільм асноўнага конкурсу на 65-м Канскім кінафестывалі.
- Гран-Пры Шостага кінафестывалю «Люстэрка» імя А.Таркоўскага.
- Галоўны прыз (Залаты абрыкос) за лепшы фільм на Ерэванскім міжнародным кінафестывалі «Залаты абрыкос».[8].
- Галоўны прыз 3-га Адэскага міжнароднага кінафестывалю за лепшы фільм.
Цікавае правіць
Каля ўваходу ў рэйхскамісарыят, адкуль выпусцілі Сушчэню, вісяць сцягі Трэцяга рэйху з левабаковай свастыкай, хаця Трэці рэйх выкарыстоўваў на сваіх сцягах правабаковую свастыку.
Зноскі
- ↑ Сяргей Лазніца прыступае да падрыхтоўчага этапу працы над другім гульнявым фільмам «У смузе»(недаступная спасылка). Сайт часопіса «Мастацтва кіно». Архівавана з першакрыніцы 7 лістапада 2011. Праверана 1 мая 2012.
- ↑ http://www.imdb.com/title/tt2325741/ Праверана 2 мая 2016.
- ↑ а б в http://www.allocine.fr/film/fichefilm_gen_cfilm=199807.html Праверана 2 мая 2016.
- ↑ filmportal.de — 2005.
- ↑ http://stopklatka.pl/film/we-mgle-2012 Праверана 2 мая 2016.
- ↑ Андрей Плахов.. Россия оказалась «В тумане» (руск.). «Коммерсантъ», № 71 (4856) (20 красавіка 2012). Архівавана з першакрыніцы 19 верасня 2012. Праверана 1 мая 2012.
- ↑ Елена Плахова. Где равны любовь и кровь (руск.)(недаступная спасылка). Сеанс (6 июня 2012). Архівавана з першакрыніцы 19 верасня 2012.
- ↑ Итоги 9-ого Золотого абрикоса (англ.). Архівавана з першакрыніцы 19 верасня 2012. Праверана 19 снежня 2012.
Спасылкі правіць
- Афіцыйны сайт фільма Архівавана 5 сакавіка 2016.