ФК Агракамбінат Ждановічы

Агракамбінат Ждановічы
Агракамбінат Ждановічы
Заснаваны	2011
Горад	Мінск, Беларусь
Стадыён	РЦАП-БДУ, Мінск; Умяшчальнасць: 1500
Чэмпіянат	Другая ліга
2015	15 месца

«Агракамбінат Ждановічы» (часам таксама «АК Ждановічы» ці проста «Ждановічы») — беларускі футбольны клуб з Мінска. Заснаваны ў 2011 годзе. У 2014—2015 гадах выступаў у Другой лізе чэмпіянату Беларусі па футболе.

Гісторыя правіць

Каманда была заснавана ў 2011 годзе пры падтрымцы агракамбіната «Ждановічы», да 2014 года выступала ў мінскай аматарскай лізе МЛФ. У 2013 годзе клуб перамог у аматарскім чэмпіянаце Мінска, а таксама заняў 3-е месца на турніры «Кубак Незалежнасці-2013» у Кіеве^[1].

У 2014 годзе каманда заявілася ў Другую лігу, дзе стала выступаць у падгрупе А. Неўзабаве «Ждановічы» апынуліся на трэцім радку табліцы і не пакінулі яго да канца першага этапу, такім чынам трапілі ў фінальную групу. Аднак, у фінале каманда выступіла няўдала — 1 нічыя пры 7 паражэннях — і заняла выніковае 8-е месца. Тым не менш, нападнік «Ждановічаў» Кірыл Самахвал з 25 галамі стаў другім бамбардзірам турніру.

У сезоне 2015 справы ў каманды пайшлі горш. Згубіўшы сваіх найлепшых ігракоў папярэдняга сезону, «Ждановічы» неўзабаве апынуліся ў канцы табліцы. Нягледзячы на тое, што ў другой палове турніру каманда стала набіраць ачкі, яна скончыла на 8-м месцы з 10 у сваёй групе А, пасля чаго разграміла ў стыкавых матчах «Любань» (9:0, 3:0).

У 2016 годзе з-за фінансавых цяжкасцяў каманда адмовілася ад удзелу ў Другой лізе і пад назвай «КаўчэгСэрвіс» заявілася ў чэмпіянат мінскай аматарскай лігі АЛФ^[2].

За час выступлення пад назвай «КаўчэгСэрвіс», каманда дасягнула нядрэнных вынікаў:

2016 год:
- Фіналіст суцяшальнага кубка «АЛФ — International 2016»
- Бронзавы прызёр Зімовага чэмпіянату АЛФ 2015/2016
- Бронзавы прызёр першага турніру пад эгідай АЛФ і ФК «Мінск» — «Gorozhane Cup 2016»
- Бронзавы прызёр чэмпіянату АЛФ Першая ліга 2016

2017 год:
- Сярэбраны прызёр чэмпіянату Мінска 2017

2018 год:
- Уладальнік Кубка Мінска па футболе 2018^[3]
- Бронзавы прызёр чэмпіянату Мінска 2018
- Сярэбраны прызёр чэмпіянату АЛФ Першая ліга 2018
- 1/4 фіналу Кубка Рэгіёнаў Беларусі

У пачатку 2019 года ў сувязі з ліквідацыяй фірм-партнёра «КаўчэгСэрвіс» каманда змяніла назву на «Фенікс», пад гэтай назвай прыняла ўдзел у Кубку Беларусі 2019/20, дзе 22 мая 2019 года саступіла мар’інагорскай «Вікторыі» з лікам 0:5. У 2020 годзе каманда пад новай назвай «Альфа» зноў згуляла ў Кубка Беларусі.

Папярэднія назвы правіць

«Агракамбінат Ждановічы» (2011—2015)
«КаўчэгСэрвіс» (2016—2018)
«Фенікс» (2019)
«Альфа» (з 2020)

Статыстыка выступленняў правіць

Чэмпіянат і Кубак Беларусі правіць

Сезон	Ліга	М	Г	В	Н	П	Галы	Ачкі	Кубак	Заўвагі
2014	Другая — А (Д3)	4	22	12	4	6	40–25	40	1/16 фіналу	Выхад у фінальны этап
2014	Фінальны этап	8	14¹	1	2	11	9–31	5	1/16 фіналу
2015	Другая — А (Д3)	8	18	5	7	6	17–25	22	1/32 фіналу
2015	Матчы за 15 месца²	15	2	2	0	0	12–0		1/32 фіналу

2019									1/64 фіналу
2020									1/64 фіналу

¹ Улічваючы 6 гульняў, перанесеных з 1-га раўнда. Паказчыкі ўласна ў фінальным этапе: 8 матчаў, 0—1—7, розніца мячоў 5—21.
² Стыкавыя матчы супраць клуба «Любань», які заняў 8 месца ў групе Б (9:0, 3:0).

Галоўныя трэнеры правіць

Антон Васілеўскі (2012—2014)
Дзмітрый Дрожжа (2015—2018)
Ігар Лосік (з 2019)

Крыніцы правіць

Спасылкі правіць

Профіль на сайце teams.by (руск.)

[1] ФК «АК Ждановичи» приходит на трибуну (руск.)

[2] «Ждановичи», выступавшие во второй лиге, переименовались в «Ковчег-Сервис» и выступили в чемпионате АЛФ (руск.)

[3] КОВЧЕГ-СЕРВИС ВЫИГРАЛ КУБОК МИНСКА СРЕДИ ЛЮБИТЕЛЕЙ

[1]

[2]

[3]