ФК Ашмяны-БДУФК

беларускі футбольны клуб

«Ашмяны-БДУФК» — беларускі футбольны клуб з горада Ашмяны. У цяперашні час выступае ў Другой лізе чэмпіянату Беларусі.

Ашмяны-БДУФК
Лагатып
Горад Ашмяны, Беларусь
Стадыён ФАК
Умяшчальнасць: 525
Галоўны трэнер Антуан Маёраў
Чэмпіянат Другая ліга
2018 4 месца
Форма
Асноўная
форма
Форма
Гасцявая
форма

ГісторыяEdit

З 2007 года клуб выступаў у чэмпіянаце Гродзенскай вобласці, дзе займаў месцы ў ніжняй палове табліцы.

У пачатку 2015 года мінскі клуб «Славянін», шукаючы магчымасць пераехаць у іншы горад, здолеў дамовіцца аб пераездзе з кіраўніцтвам Ашмян. У выніку, у Другую лігу замест «Славяніна» была заяўлена каманда «Ашмяны». Каманда была ўкамплектавана пераважна былымі ігракамі «Славяніна», таксама ў яе склад быў запрошаны шэраг мясцовых футбалістаў. Галоўным трэнерам «Ашмян» стаў былы трэнер «Славяніна» Васіль Смірных. У сезоне 2015 «Ашмяны» адразу сталі адным з лідараў сваёй падгрупы А, аднак у выніку занялі трэцяе месца і выйшлі ў фінальны раўнд, дзе не здолелі ўзняцца вышэй за пяты радок.

У пачатку 2016 года, пасля спынення існавання першалігавай «Бярозы-2010» і адмовы «Маладзечна-ДЮСШ-4» ад павышэння «Ашмянам» было прапанавана месца ў Першай лізе, на што каманда адказала згодай[1]. Аднак, замацавацца ў Першай лізе не атрымалася — каманда хутка апынулася ў канцы турнірнай табліцы. Улетку шэраг ігракоў «Ашмян» быў абвінавачаны ў арганізацыі дагаварных матчаў, яны былі выключаны з каманды, склад якой у выніку абнавіўся больш чым напалову. Восенню 2016 года галоўным трэнерам замест Васіля Смірных стаў Антуан Маёраў, але і ён не здолеў выратаваць каманду ад апошняга месца і вылету ў Другую лігу.

Сезон 2017 каманда, якая дапоўніла назву «Ашмяны» да «Ашмяны-БДУФК», пачала ў Другой лізе са штрафам у 5 ачкоў за ўдзел ігракоў у дагаварных матчах у папярэднім сезоне. Пачатак атрымаўся няўдалым — «Ашмяны» саступілі асноўным канкурэнтам і ўскладнілі сабе барацьбу за высокія месцы. Аднак пазней каманда набрала абароты і стала перамагаць у адным матчы за другім, нярэдка з разгромным лікам. У выніку «Ашмяны» неўзабаве апынуліся ў верхняй частцы табліцы і, разграміўшы ў апошнім туры «Любань» з лікам 12:1, занялі трэцяе месца. Пры гэтым нападнік «Ашмян» Дзмітрый Купнеўскі з 31 голам стаў найлепшым бамбардзірам турніру.

У сезоне 2018 «Ашмяны» таксама былі адным з фаварытаў Другой лігі, але даволі хутка адсталі ад «Руха» і «Крумкачоў» і былі вымушаны змагацца за трэцяе месца. Доўгі час паспяхова ўтрымліваючы трэці радок, у канцы сезону ашмянская каманда прапусціла наперад рэчыцкі «Спутнік» і фінішавала чацвёртай.

ЭмблемыEdit

Папярэднія назвыEdit

  • 2007—2013: «Ашмяны»
  • 2014: «Факел»
  • 2015—2016: «Ашмяны»
  • з 2016: «Ашмяны-БДУФК»

Цяперашні складEdit

Станам на лістапад 2019 года.

Пазіцыя Імя Год нараджэння
1   Бр Мікіта Лазоўскі 1999
16   Бр Арсеній Кудзін 1995
  Бр Аляксей Грынько 2000
2   Аб Аляксей Нікулін 1997
3   Аб Аляксандр Кучынскі 1996
5   Аб Аляксей Смірноў 1999
6   Аб Дзяніс Хадаронак 1998
12   Аб Аляксей Маліноўскі 1999
15   Аб Аляксандр Буры 1996
18   Аб Яўген Пракопчык 1993
  Аб Дзяніс Гардзяюк 1995
  Аб Аляксандр Козел 1989
4   ПА Павел Вакуліч 1996
8   ПА Дзмітрый Велісевіч 1995
Пазіцыя Імя Год нараджэння
13   ПА Антон Андрэеў 1993
14   ПА Павел Ляхновіч 1997
17   ПА Данііл Карплюк 2001
19   ПА Сяргей Кучмель 1998
  ПА Іван Давідовіч 1997
  ПА Уладзіслаў Давідовіч 1995
  ПА Данііл Дарошка 2001
  ПА Яўген Смаль 1995
7   Нап Януш Ладуцька 1993
9   Нап Уладзіслаў Матысеўскі 2001
10   Нап Дзмітрый Купнеўскі 1995
11   Нап Глеб Буракоў 1999
  Нап Андрэй Арочка 1991
  Нап Аляксей Скварчэўскі 1998

Статыстыка выступленняўEdit

Чэмпіянат і Кубак БеларусіEdit

Сезон Ліга М Г В Н П Галы Ачкі Кубак Заўвагі
2007 Чэмпіянат Гродзенскай вобласці (Д4) 11 30 9 4 17 41–66 31
2008 Чэмпіянат Гродзенскай вобласці (Д4) 12 28 8 5 15 37–73 29
2009 Чэмпіянат Гродзенскай вобласці (Д4) 10 20 3 0 17 21–68 9
2010 Чэмпіянат Гродзенскай вобласці (Д4) 10 20 2 5 13 24–58 11
2011 Чэмпіянат Гродзенскай вобласці (Д4) 9 24 8 4 12 56–51 28
2012 Чэмпіянат Гродзенскай вобласці (Д4) 11 22 4 1 17 26–66 13
2013 Чэмпіянат Гродзенскай вобласці (Д4) 14 26 2 4 20 27–97 10
2014 Чэмпіянат Гродзенскай вобласці (Д4) 10 18 1 1 16 17–62 4
2015 Другая — А (Д3) 3 18 9 5 4 38–19 32 1/16 фіналу Выхад у фінальны этап
Фінальны этап 5 141 5 4 5 22–20 19 Атрыманне месца ў Першай лізе
2016 Першая (Д2) 14 26 2 2 22 15–64 72 1/32 фіналу   Вылет у Другую лігу
2017 Другая (Д3) 3 26 18 3 5 100–27 523 1/32 фіналу
2018 Другая (Д3) 4 28 18 1 9 82–33 55 1/32 фіналу
2019 Другая (Д3) 1/16 фіналу
  • 1 Улічваючы 6 гульняў, перанесеных з 1-га раўнда. Паказчыкі ўласна ў фінальным этапе: 8 матчаў, 3—2—3, розніца мячоў 13—15.
  • 2 Вынік матча «Ашмяны»—«Прамень» (3:3) быў ануляваны, прысуджаны лік 0:0 без дадання ачкоў абодвум камандам.
  • 3 З каманды знята 5 ачкоў за ўдзел ігракоў клуба ў дагаварных матчах у сезоне 2016.

Галоўныя трэнерыEdit

Зноскі

СпасылкіEdit