ФК Рэчыца-2014

«Рэчыца-2014» — былы беларускі футбольны клуб з горада Рэчыца, заснаваны ў 1952 годзе. Па выніках сезона 2015 клуб страціў месца ў Першай лізе чэмпіянату Беларусі і спыніў існаванне.

Рэчыца-2014
Заснаваны	1952
Расфарміраваны	2016
Горад	Рэчыца, Беларусь
Стадыён	«Цэнтральны» Умяшчальнасць: 3000
Прэзідэнт	Аляксандр Зяйналаў
Галоўны трэнер	Міхаіл Ерамчук
Чэмпіянат	Першая ліга
2015	▼ 16 месца

Гісторыя

Футбольны клуб у Рэчыцы быў заснаваны ў 1952 годзе пад назвай «Дняпровец», выступаў у чэмпіянатах БССР. У 1991 годзе клуб стаў апошнім пераможцам Другой лігі чэмпіянату БССР (другі дывізіён) і атрымаў павышэнне. У 1992—2013 гадах каманда была вядомая пад назвай «Ведрыч» (пазней «Ведрыч-97»).

У 1992—1996 гадах клуб гуляў у Першай лізе чэмпіянату Беларусі, потым апусціўся дывізіёнам ніжэй. У 2000—2001 гадах вярнуўся ў эліту, а з 2002 па 2015 год клуб гуляў у Першай лізе чэмпіянату Беларусі.

Па выніках сезона 2004 атрымаў права гуляць у Вышэйшай лізе, але адмовіўся і застаўся ў другім па рангу дывізіёне беларускага футбола.

2013

Сезон 2013 пачаўся для каманды няўдала. «Ведрыч-97» у першых пяці турах не здолеў забіць ніводнага гола і апынуўся ў канцы табліцы. Улетку быў звольнены галоўны трэнер Леанід Савіцкі. Пад кіраўніцтвам Міхаіла Ерамчука, а потым чарговы раз вярнуўшагася ў клуб Аляксандра Бразевіча клуб стаў набіраць ачкі. Гэтаму садзейначала і паляпшэнне фінансавага становішча каманды, дзякуючы чаму ў клуб прыйшлі некалькі ігракоў з Вышэйшай лігі. «Ведрыч-97» падняўся да сярэдзіны табліцы, але няўдалы фініш пакінуў каманду на 11 месцы.

2014

У лютым 2014 клуб, які доўгі час быў вядомы пад назвай «Ведрыч-97», змяніў форму ўласнасці і стаў менавацца «Рэчыца-2014». У сакавіку 2014 была зацвержана новая эмблема клуба з выявай «Пагоні».

Сезон каманда пачала добра, адразу апынуўшыся сярод лідараў чэмпіянату. Шэраг няўдач у пачатку другога кругу, аднак, адкінуў рэчычан у сярэдзіну табліцы, і яны выключылыся з барацьбы за прызавыя месцы. Тым не менш, добры фініш дазволіў камандзе ўзняцца на пятае месца, якое стала лепшым у чэмпіянаце за 10 апошніх гадоў.

2015

У сезоне 2015 «Рэчыца-2014» сутыкнулася з сур’ёзнымі фінансавымі праблемамі. Каманду пакінулі асноўныя ігракі, і незадоўга да пачатку чэмпіянату стала вядома аб зыходзе з клуба галоўнага трэнера Аляксандра Бразевіча. Каманду, якую ўзначаліў Міхаіл Ерамчук, склалі ў асноўным рэчычане, многія з якіх гулялі за клуб у якасці аматараў. У выніку «Рэчыца-2014» хутка апынулася на апошнім радку, на якім засталася да самага канца чэмпіянату, у выніку выбыла ў Другую лігу.

2016

14 студзеня 2016 года ў сацыяльных сетках з’явілася інфармацыя пра пачатак працэсу ліквідацыі клуба, якую 5 лютага пацвердзіў дырэктар «Рэчыцы-2014» Юрый Здрок. У выніку прафесійны клуб спыніў існаванне.

У другой палове 2016 года каманда Рэчыцкага раёна (фактычна пераемнік «Рэчыцы-2014») прымала ўдзел у чэмпіянаце Гомельскай вобласці.

У красавіку 2017 года ў Рэчыцы была заснаваная новая каманда, «Спадарожнік», якая ў далейшым стала прадстаўляць горад на рэспубліканскай арэне.

Назвы

• 1952—1961: «Дняпровец»
• 1962—1976: «Дняпро»
• 1977—1979: «Нафтавік»
• 1980—1991: «Спадарожнік»
• 1992—1996: «Ведрыч»
• 1997—2013: «Ведрыч-97»
• 2014—2016: «Рэчыца-2014»

Эмблемы

• Гісторыя эмблем «Рэчыцы-2014»
• 

  Эмблема «Ведрыча-97» (да 2013)

• 

  Эмблема «Рэчыцы-2014» (2014—2015)

Дасягненні

• Найлепшае дасягненне ў Вышэйшай лізе — 8 месца (1992)
• Фіналіст Кубка Беларусі: 1992/93

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
1992	Першая (Д1)	8	15	6	3	6	17–19	15	1/16 фіналу
1994/1995	Першая (Д1)	15	32	7	7	18	30–61	21	Фіналіст
1993/1994	Першая (Д1)	12	30	7	7	16	20–41	21	1/8 фіналу
1994/1995	Першая (Д1)	9	30	10	8	12	24–33	28	Чвэрцьфінал
1995	Першая (Д1)	14	15	4	3	8	22–20	15	1/16 фіналу
1996	Першая (Д1)	16	30	4	3	23	14–57	15	1/8 фіналу	Вылет у Другую лігу
1997	Другая (Д2)	6	30	13	7	10	44–34	46	1/16 фіналу
1998	Першая (Д2)	6	30	13	6	11	42–37	45	1/16 фіналу	Змена назваў ліг
1999	Першая (Д2)	2	30	16	10	4	56–30	58	1/16 фіналу	Выхад у Вышэйшую лігу
2000	Вышэйшая (Д1)	12	30	6	11	13	23–36	29	Паўфінал
2001	Вышэйшая (Д1)	14	26	2	2	22	17–60	8	1/8 фіналу	Вылет у Першую лігу
2002	Першая (Д2)	4	30	19	4	7	55–25	61	1/16 фіналу
2003	Першая (Д2)	4	30	16	5	9	52–29	53	1/16 фіналу
2004	Першая (Д2)	2	30	18	8	4	46–21	62	1/16 фіналу	Выхад у Вышэйшую лігу
2005	Першая (Д2)	8	30	11	6	13	37–41	39	1/16 фіналу	Адмова і вяртанне ў Першую лігу
2006	Першая (Д2)	7	26	10	6	10	31–32	36	1/8 фіналу
2007	Першая (Д2)	10	26	9	6	11	29–26	33	1/16 фіналу
2008	Першая (Д2)	6	26	12	3	11	39–34	39	1/16 фіналу
2009	Першая (Д2)	8	26	10	5	11	40–47	35	1/16 фіналу
2010	Першая (Д2)	14	30	8	6	16	29–46	30	1/16 фіналу
2011	Першая (Д2)	6	30	13	7	10	40–34	46	1/8 фіналу
2012	Першая (Д2)	7	28	9	12	7	40–24	39	1/16 фіналу
2013	Першая (Д2)	11	30	9	12	9	47–36	39	1/16 фіналу
2014	Першая (Д2)	5	30	13	7	10	41–36	46	1/16 фіналу
2015	Першая (Д2)	16	30	2	5	23	14–66	11	1/16 фіналу	Вылет у Другую лігу, спыненне існавання

Галоўныя трэнеры

Анатоль Юрэвіч (да 2 верасня 1992) Анатоль Чанцаў (в.а., 23 верасня 1992 — студзень 1993) Генадзь Абрамовіч (студзень — чэрвень 1993) Анатоль Чанцаў (в.а., чэрвень — ліпень 1993) Уладзімір Хахлоў (ліпень 1993 — 1994) Уладзімір Астратэнка (1995 — 1996) Анатоль Чанцаў (в.а., 1996) Мікалай Гурчанкоў (1996) Аляксандр Шыгідзін (1997 — 1998) Мікалай Гаруноў (1999 — 9 ліпеня 2001) Валерый Хмыкін (28 ліпеня 2001 — 2003) Віталь Паўлаў (2004 — 2005)

Аляксандр Пражнікаў (студзень 2006 — 2007) Юрый Ануфрыеў (в.а., 2007) Ігар Фралоў (3 студзеня 2008 — 12 ліпеня 2010) Сяргей Гоманаў (18 ліпеня — 19 верасня 2010) Аляксандр Бразевіч (28 верасня 2010 — 2011) Леанід Савіцкі (10 студзеня — 31 ліпеня 2012) Аляксандр Бразевіч (1 жніўня 2012 — сакавік 2013) Леанід Савіцкі (сакавік — чэрвень 2013) Міхаіл Ерамчук (в.а. у чэрвені—ліпені 2013) Аляксандр Бразевіч (ліпень 2013 — сакавік 2015) Міхаіл Ерамчук (сакавік 2015 — студзень 2016)

Спасылкі

• Профіль на сайце globalsportsarchive.com (англ.) 
• Профіль на сайце wildstat.ru (руск.) 
• Профіль на сайце teams.by (руск.)