ФК Герта Берлін

нямецкі футбольны клуб

«Герта» (ням.: Hertha BSC) — нямецкі футбольны клуб з горада Берлін. Заснаваны ў 1892 годзе. Двухразовы чэмпіён Германіі (1930, 1931) і Кубка нямецкай лігі (2001, 2002). Клуб быў адным з заснавальнікаў нямецкай футбольнай асацыяцыі ў Лейпцыгу ў 1900 годзе.

Герта
Лагатып
Поўная назва Hertha Berliner Sport-Club von 1892 e.V.
Заснаваны 25 ліпеня 1892
Горад Берлін, Германія
Стадыён Алімпіяштадыян
Умяшчальнасць: 74 475
Уладальнік Міхаэль Прэц[d]
Прэзідэнт Вернер Гегенбаўэр[d]
Галоўны трэнер
Чэмпіянат Бундэсліга
2019/20 10 месца
Сайт Афіцыйны сайт
Форма
Асноўная
форма
Форма
Гасцявая
форма

ГісторыяПравіць

Раннія часыПравіць

Футбольны клуб «Герта» быў заснаваны 25 ліпеня 1892 года і называўся «БФК Герта 92». Маладыя людзі, якія заснавалі клуб доўга разважалі над назвай, пакуль адзін з іх не ўспомніў, як падарожнічаў з бацькам на параходзе «Герта». На трубе ў парахода былі бела-блакітныя палоскі, колеры якіх сталі колерамі формы каманды. А само слова «Герта» — варыяцыя слова «Нертус» (багіня ўрадлівасці ў старажытнагерманскай міфалогіі). Так што, у назве клуба аб'ядналіся мора, у выглядзе парахода, і суша, у выглядзе багіні. Мянушка «Герты» аналагічная «ювентусаўскай» — старая дама «Die Alte Dame». Прыстаўка BSC, якая азначае Berliner Sport-Club, з'явілася ў 1920 годзе, калі добра выступаючая ў футболе, але бедная фінансава «Герта» злілася з заможным Берлінскім спартыўным клубам.

Утварэнне БундэслігіПравіць

Падчас фарміравання Бундэслігі, у 1963 годзе «Герта» была лепшым клубам Берліна і таму аўтаматычна атрымала права ўдзельнічаць у новым спаборніцтве. У першым сваім сезоне ў Бундэслізе «Герта» паказала сябе моцным серадняком, але ўжо на наступны сезон яе ўжо чакала паніжэнне ў класе з-за спробы подкупу ігракоў, а таксама па нейкіх палітычных матывах. Многія людзі ўсё роўна жадалі бачыць у Бундэслізе каманду з Берліна і таму на наступны сезон у Бундэслізе абгрунтавалася каманда «Тасманія-1900», якая ў тым сезоне паказала галоўны антырэкорд Бундэслігі, выйграўшы толькі два матчы, чатыры разы згуляўшы ўнічыю і прайграўшы 28 разоў пры розніцы мячоў 15:108[1]. Пасля такога буйнога правалу берлінцы сталі спрабаваць знайсці спосаб вярнуць у галоўную лігу краіны «Герту» і ў сезоне 1968/69 яны здолелі гэта зрабіць.

Неўзабаве, у 1971 годзе клуб трапіў у фінансавыя непрыемнасці — утварылася запазычанасць на суму ў 6 млн марак. Берлінцы знайшлі выхад з гэтага становішча шляхам продажу былога стадыёну.

У 1970-х гадах «Герта» трывала замацавалася ў Першай Бундэслізе. У сезоне 1974/75 берлінцы занялі другое месца пасля мёнхенгладбахскай «Барусіі». У 1977 і 1979 гадах клуб выйшаў у фінал Кубка Германіі, і ў тым жа 1979 годзе ў паўфінал Кубка УЕФА[2]. Аднак зноў камандзе рушыў услед спад і ў сезоне 1979/80 яны вылецелі ў Другую Бундэслігу, адкуль вярнуліся толькі ў сезоне 1990/91, пасля чаго зноў апусціліся ў Другую Бундэслігу. У 1997 годзе «Герта» вярнулася ў Бундэслігу.

Апошнія гадыПравіць

У 2001 і 2002 гадах, «Герта» заваявала Кубак лігі Германіі. У 2006 годзе каманда здолела перамагчы Кубак Інтэртота. У сезоне 2007/08, нягледзячы на фініш на 10 месцы, клуб перамог у рэйтынгу Fair Play і ўдзельнічаў у Кубку УЕФА 2008/09. У сезоне 2008/09 «Герта» заняла 4-е месца і атрымала права выступаць у еўракубках, але праз год вылецела ў Другую Бундэслігу. Клуб у сезоне 2010/11 выступаў у Другой Бундэслізе, за 3 туры да заканчэння чэмпіянату «Герта» заваявала пуцёўку ў элітны нямецкі дывізіён. Сезон 2011/12 гадоў берлінцы пачалі сезон у першай па значнасці лізе, аднак, заняўшы 16-е месца, саступілі ў плэй-оф «Фартуне» з Дзюсельдорфа і зноў выбылі ў Другую Бундэслігу. У сезоне 2012/13 «Герта» атрымала перамогу ў другім дывізіёне і зноў трапіла ў Бундслігу.

СкладПравіць

Станам на кастрычнік 2020 года.

Пазіцыя Імя Год нараджэння
Брамнікі
1   Бр Аляксандр Шволаў 1992
12   Бр Нільс Кёрбер 1996
22   Бр Рунэ Ярстэйн 1984
Абаронцы
2   Аб Петар Пекарык 1986
5   Аб Ніклас Штарк 1995
13   Аб Лукас Клюнтэр 1996
14   Аб Амар Альдэрэтэ 1996
17   Аб Максіміліян Мітэльштэт 1997
20   Аб Дэдрык Баята   1990
21   Аб Марвін Платэнгарт 1992
25   Аб Джордан Тарунарыга 1997
37   Аб Флорыян Бак 1999
42   Аб Дэявайсіа Зефёйк 1998
Паўабаронцы
6   ПА Уладзімір Дарыда 1990
Пазіцыя Імя Год нараджэння
Паўабаронцы
7   ПА Мэцью Лекі 1991
8   ПА Матэа Гендузі 1999
16   ПА Джавайра Дылрасун 1998
18   ПА Сант’яга Аскасібар 1997
23   ПА Эдуард Лёвен 1997
29   ПА Люка Тузар 1997
Нападнікі
9   Нап Кшыштаф Пёнтак 1995
10   Нап Матэус Кунья 1999
11   Нап Додзі Лукебакіа 1997
15   Нап Джон Кордаба 1993
24   Нап Палка Дардаі 1999
27   Нап Джэсік Нганкам 2000
33   Нап Дышон Рэдан 2001

Зноскі

  1. «Tasmania Berlin-Gropiusstadt». Abseits Guide to Germany.
  2. «Hertha BSC Berlin». Abseits Guide to Germany.

СпасылкіПравіць