ФК Рагачоў-МК
«Рагачоў-МК», таксама «Дняпро» — беларускі футбольны клуб з горада Рагачоў, заснаваны ў 1983 годзе.
| Рагачоў-МК | |||
|---|---|---|---|
| Заснаваны | 1983 | ||
| Горад | Рагачоў, Беларусь | ||
| Стадыён | ДЮСШ-1 | ||
| Прэзідэнт | Віктар Іваноў | ||
| Галоўны трэнер | Уладзімір Сіманенка | ||
| Чэмпіянат | Другая ліга | ||
| 2016 | 11 месца | ||
| |||
ГісторыяEdit
Да 1991 гуляў у Чэмпіянаце БССР, у 1992 трапіў у новаствораную Трэцюю лігу чэмпіянату Беларусі. Пасля паспяховага сезону 1996 клуб перайшоў у Першую лігу, дзе гуляў да 2005. У 2005 страціў месца ў Першай лізе і па фінансавых прычынах спыніў існаванне.
Пасля футбольны клуб з Рагачова ўдзельнічаў у чэмпіянаце Гомельскай вобласці. У красавіку 2014 клуб пад назвай «МКК-Дняпро» папоўніў склад удзельнікаў Другой лігі[1], але чэмпіянат клуб пачаў ужо як «Рагачоў-МКК». У выніку клуб апынуўся ў сярэдзіне табліцы, заняўшы 15 месца з 24.
У пачатку 2015 года, дзякуючы намаганням камерцыйнага дырэктара клуба Андрэя Іваненкі, клуб зрабіў значныя крокі для папулярызацыі: быў запушчаны клубны сайт, пачалі праводзіцца забаўляльныя мерапрыемствы на стадыёне. Адной жа з самых громкіх акцый стала заяўка ў склад каманды вядомага беларускага спевака Дзмітрыя Калдуна[2], які, аднак, так і не з'явіўся на полі. У чэмпіянаце ж справы клуба ішлі не лепшым чынам, ён хутка апынуўся ў канцы табліцы. У маі 2015 года Іваненка пакінуў сваю пасаду ў клубе[3]. У выніку каманда скончыла сезон на 17-м месцы з 20.
У пачатку 2016 года каманда ўмацавалася шэрагам ігракоў спыніўшага існаванне «Жлобіна», аднак пасля паспяховага старту (дзве перамогі ў першых двух турах) стала цярпець паражэнне за паражэннем. Так і не здолеўшы істотна палепшыць сітуацыю, «Рагачоў» завяршыў сезон на 11-м месцы з 13.
У пачатку 2017 года стала вядома, што з-за фінансавых праблем каманда можа не заявіцца ў Другую лігу. У красавіку афіцыйна стала вядома, што рагачоўскага клуба не будзе сярод удзельнікаў Другой лігі ў 2017 годзе[4].
Папярэднія назвыEdit
- 1983: «Аўтамабіліст»
- 1984—1987: КБМ
- 1988—1997: «Дняпро»
- 1998—2000: «Рагачоў»
- 2001: «Рагачоў-ДЮСШ-1»
- 2002—2006: «Дняпро-ДЮСШ-1»
- да 2012: РМКК
- 2013: «МКК-Дняпро»
- з 2014: «Рагачоў-МКК»
Статыстыка выступленняўEdit
Чэмпіянат і Кубак БеларусіEdit
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Трэцяя (Д3) | 15 | 15 | 1 | 6 | 8 | 13–31 | 8 | 1/8 фінала | |
| 1992–93 | Трэцяя (Д3) | 16 | 30 | 4 | 5 | 21 | 28–77 | 13 | ||
| 1993–94 | Трэцяя (Д3) | 10 | 34 | 13 | 6 | 15 | 45–65 | 32 | ||
| 1994–95 | Трэцяя — Б (Д3) | 5 | 22 | 9 | 6 | 7 | 39–33 | 24 | 1/32 фінала | |
| 1995 | Трэцяя — Б (Д3) | 3 | 12 | 7 | 3 | 2 | 29–13 | 24 | ||
| 1996 | Трэцяя — Б (Д3) | 2 | 26 | 19 | 1 | 6 | 65–29 | 58 | Стыкавыя матчы | |
| Стыкавыя матчы1 | 2 | 1 | 0 | 1 | 2–1 |  Выхад у Другую лігу
| ||||
| 1997 | Другая (Д2) | 13 | 30 | 6 | 8 | 16 | 30–63 | 26 | 1/16 фінала | |
| 1998 | Першая (Д2) | 10 | 30 | 8 | 11 | 11 | 26–42 | 35 | 1/16 фінала | Змена назваў ліг |
| 1999 | Першая (Д2) | 10 | 30 | 9 | 11 | 10 | 49–44 | 38 | 1/16 фінала | |
| 2000 | Першая (Д2) | 10 | 30 | 10 | 11 | 9 | 40–43 | 41 | 1/16 фінала | |
| 2001 | Першая (Д2) | 15 | 28 | 3 | 8 | 17 | 27–67 | 17 | 1/32 фінала |  Вылет у Другую лігу
|
| 2002 | Першая (Д2) | 12 | 30 | 8 | 7 | 15 | 35–49 | 31 | Захаванне месца2 | |
| 2003 | Першая (Д2) | 11 | 30 | 8 | 5 | 17 | 32–52 | 29 | 1/32 фінала | |
| 2004 | Першая (Д2) | 14 | 30 | 9 | 3 | 18 | 27–54 | 30 | 1/16 фінала | |
| 2005 | Першая (Д2) | 16 | 30 | 4 | 4 | 22 | 22–70 | 16 | 1/32 фінала | Вылет у Другую лігу, спыненне існавання
|
| 2014 | Другая — А (Д3) | 8 | 22 | 7 | 6 | 9 | 40–41 | 27 | 1/64 фінала | |
| Матчы за 15 месца3 | 15 | 2 | 1 | 0 | 1 | 5–4 | ||||
| 2015 | Другая — А (Д3) | 9 | 18 | 1 | 4 | 13 | 12–36 | 7 | 1/64 фінала | |
| Матчы за 17 месца4 | 17 | 2 | 0 | 2 | 0 | 4–4 | ||||
| 2016 | Другая (Д3) | 11 | 24 | 7 | 4 | 13 | 26–49 | 25 | 1/32 фінала |
- 1 Стыкавыя матчы паміж другімі месцамі падгруп А і Б за права гуляць у Другой лізе
- 2 Захаванне месца дзякуючы адмове «Оршы» працягваць выступленні ў Першай лізе
- 3 Стыкавыя матчы супраць клуба «Маладзечна-2013», які заняў 8 месца ў групе Б (2:3, 3:1)
- 3 Стыкавыя матчы супраць клуба «Крутагор'е» (Дзяржынск), які заняў 8 месца ў групе Б (1:1, 3:3 — перамога па большай колькасці выязных галоў).
Галоўныя трэнерыEdit
- Віктар Барухоў (1993—1995)
- Уладзімір Сіманенка (да 2001)
- Віталь Паўлаў (2002—2003)
- Уладзімір Грышчанка (2004—2005)
- Уладзімір Сіманенка (з 2014)
Зноскі
- ↑ Бюро исполкома БФФ утвердило состав участников и календарь второй лиги
- ↑ 2-лига. Анонс сезона. Побьет ли Колдун рекорд Хоттабыча?. pressball.by
- ↑ Иваненко покинул пост коммерческого директора рогачевского «Днепра». by.tribuna.com
- ↑ Вторая лига Беларусь. Турнир пройдет с 22 апреля по 28 октября, участие примут 14 команд. by.tribuna.com