ФК Нюрнберг

нямецкі футбольны клуб

«Нюрнберг» (ням.: 1. FC Nürnberg) — нямецкі футбольны клуб з горада Нюрнберг, які размяшчаецца ў федэральнай зямлі Баварыя. Заснаваны ў 1900 годзе. Дзевяціразовы чэмпіён Германіі (1920, 1921, 1924, 1925, 1927, 1936, 1948, 1961, 1968), уладальнік Кубка Германіі (1935, 1939, 1962, 2007). Ён быў заснаваны 4 мая 1900 года групай з васямнаццаці юнакоў, якія сабраліся ў мясцовым пабе пад назвай «Burenhütte», каб сабраць каманду для гульні ў футбол, а не рэгбі, бо на той час новая англійскія гульня станавілася ўсё больш папулярнай. Сёння клуб мае ў сваім складзе каманды па боксе, гандболе, хакеі на роліках і каньках, плаванню, лыжам, тэнісу.

Нюрнберг
Лагатып
Поўная назва 1. Fußball-Club Nürnberg Verein für Leibesübungen e. V.
Заснаваны 4 мая 1900
Горад Нюрнберг, Германія
Стадыён Макс-Морлак-Штадыян
Умяшчальнасць: 50 000
Галоўны трэнер
Чэмпіянат Другая Бундэсліга
2018/19 18 месца ў Бундэслізе
Сайт Афіцыйны сайт
Форма
Асноўная
форма
Форма
Гасцявая
форма
Форма
Рэзервовая
форма

СтадыёнПравіць

 
«Франкенштадыян» у жніўні 2006 года

Каманда гуляе свае хатнія матчы на стадыёне «Макс-Морлак-Штадыян», які знаходзіцца ў камунальнай уласнасці. Раней да 1990 года стадыён быў вядомы як «Гарадскі стадыён», да 2006 года — «Франкенштадыян». Ён з’яўляецца хатняй арэнай клуба з 1963 года[1] і ў цяперашні час мае ўмяшчальнасць у 48 553 гледачоў пасля апошняга пашырэння стадыёна падчас зімовай паўзы ў сезоне 2009/10[2].

Стадыён быў пабудаваны ў 1928 годзе і быў вядомы як «Штадыян дэр Гітлерюгенд» з 1933 па 1945 гады. Першапачатковая ёмістасць была роўная 40 000 гледачам, але ў 1965 годзе ўмяшчальнайсць была павялічана да 65 000 гледачоў, а затым на стадыёне ў 1967 годзе адбыўся фінальны матч Кубка чэмпіёнаў 1967, дзе сустракаліся «Баварыя» і «Рэйнджэрс». Перамогу ў матчы атрымалі нямецкія футбалісты з «Баварыі» з лікам 1:0. У наступным арэна была адрамантавана да чэмпіянату свету 1974 і яшчэ нядаўняе пашырэнне дазволіла ёй прыняць 45 000 гледачоў у чатырох матчах папярэдняга раўнда і аднаго матча стадыі 1/16 фінала чэмпіянату свету па футболе 2006.

«Макс-Морлак-Штадыян» з 2006 года насіў камерцыйную назву «EasyCredit Stadium» па дамоўленасці з мясцовым банкам. Большасць фанатаў выступала з прапановай перайменавання стадыёна ў гонар Макса Морлака, але яны павінны былі чакаць па крайняй меры шэсць гадоў, каб гэта адбылося, бо паводле дамоўленасці менавіта такі перыяд стадыён будзе мець камерцыйную назву. У 2013—2017 гадах стадыён быў вядомы пад назвамі «Грундыг Штадыян» і «Нюрнберг». З ліпеня 2017 года стадыён нарэшце атрымаў афіцыйную назву «Макс-Морлак-Штадыян».

СкладПравіць

Станам на студзень 2020 года.

Пазіцыя Імя Год нараджэння
Брамнікі
1   Бр Патрык Клант 1983
21   Бр Фелікс Дарнебуш 1994
26   Бр Крысціян Матэнія 1992
30   Бр Андрэас Луксэ 1987
Абаронцы
3   Аб Канстанцінас Маўрапанас 1997
4   Аб Асгер Сёрэнсен 1996
6   Аб Тым Гандверкер 1998
15   Аб Фабіян Нюрнбергер 1999
19   Аб Філіп Гайзэ 1991
22   Аб Энрыка Валенціні 1989
25   Аб Олівер Зорг 1990
28   Аб Лукас Мюль 1997
33   Аб Георг Марграйтэр 1988
Паўабаронцы
5   ПА Яганес Гайс 1993
8   ПА Нікола Доведан 1994
Пазіцыя Імя Год нараджэння
Паўабаронцы
10   ПА Себасцьян Керк 1994
16   ПА Адам Гнезда Чэрын 1999
17   ПА Робін Гак 1998
18   ПА Гана Берэнс 1990
20   ПА Лукас Егер 1994
29   ПА Патрык Эрас 1995
31   ПА Ондржай Петрак 1992
35   ПА Аляксандр Фухс 1997
40   ПА Юры Медэйруш 1994
Нападнікі
7   Нап Фелікс Локемпер 1995
9   Нап Мікаэль Ісхак 1993
11   Нап Адам Зрэляк 1994
14   Нап Міхаэль Фрай 1994
23   Нап Фабіян Шлёйзенер 1991
24   Нап Вірджыл Місідзьян 1993

Цікавыя фактыПравіць

  • Клуб ганарыцца дзвюма выгадаванымі чэмпіёнамі свету: нападнікам Максам Морлакам у 1954 годзе і брамнікам Андрэасам Кёпке ў 1990 годзе. У 1961 і 1993 гадах адпаведна, абодва станавіліся футбалістамі года Германіі.
  • У 2007 годзе клуб заваяваў Кубак Германіі, а ў наступным сезоне вылецеў з Бундэслігі.
  • Сумесна з білефельдскай «Армініяй» «Нюрнберг» трымае рэкорд па колькасці вылетаў з Бундэслігі — шэсць разоў[3].
  • Фінал 1927 года паміж «Нюрнбергам» і берлінскай «Гертай» быў першым матчам, які цалкам трансляваўся на радыё ў Германіі.
  • «Нюрнберг» перамог у абодвух першых чэмпіянатах, якія крочылі пасля сусветных войнаў — у 1920 і 1948 гадах.
  • Перамога ў Кубку Германіі ў 2007 годзе перапыніла серыю з 39 гадоў без тытулаў і з 45 гадоў без перамог у кубку краіны.
  • Дагэтуль «Нюрнберг» ўтрымлівае другое месца пасля «Баварыі» па колькасці чэмпіёнскіх тытулаў.

Зноскі

СпасылкіПравіць