ФК Саўтгемптан

«Саўтгемптан» (англ.: Southampton F.C.) — англійскі футбольны клуб, які размяшчаецца ў горадзе Саўтгемптан, графства Хэмпшыр. На «Сейнт-Мары Стэдыум» клуб пераехаў у 2001 годзе. Клуб мае мянушку «святыя», якая паўстала яшчэ ў часы заснавання клуба ў 1885 годзе ў сувязі з яго гісторыяй, гэта значыць каманда была арганізавана царкоўнымі актывістамі і з тых часоў гуляе традыцыйна ў чырвона-белай форме. Клуб мае сталае суперніцтва з «Портсмутам» з-за блізкасці паміж гарадамі. Матчы паміж гэтымі двума супернікамі вядомыя як Дэрбі паўднёвага берага.

Саўтгемптан
Поўная назва	Southampton Football Club
Мянушкі	Святыя
Заснаваны	21 лістапада 1885
Горад	Саўтгемптан, Англія
Стадыён	Сейнт-Мары Стэдыум Умяшчальнасць: 32 690
Галоўны трэнер	Рубен Селес[d]
Чэмпіянат	Прэм’ер-ліга
2021/22	15 месца
Сайт	Афіцыйны сайт
Асноўная форма Гасцявая форма Рэзервовая форма

Клуб упершыню атрымаў значны трафей у 1976 годзе, перамогшы ў розыгрышы Кубка Англіі, да гэтага клуб атрымліваў перамогі толькі ў рэгіянальных кубках і чэмпіянатах. Самым значным поспехам у чэмпіянаце Англіі з’яўляецца другое месца ў сезоне 1983/84. «Саўтгемптан» гуляў у Прэм’ер-лізе да сезону 2004/05 (27 сезонаў запар у найвышэйшым дывізіёне), пасля чаго вылецеў у ніжэйшыя лігі. З 2012 года «святыя» зноў выступаюць ў Прэм’ер-лізе.

Гісторыя

Раннія гады

Клуб быў заснаваны ў 1885 годзе членамі Моладзевай асацыяцыі царквы Святой Дзевы Марыі (англ.: St Mary’s Church of England Young Men’s Association). Цяперашнюю назву «Саўтгемптан» атрымаў у 1897 годзе. Выступаючы пад назвай «Саўтгемптан Святой Марыі» (англ.: Southampton St.Mary’s), клуб далучыўся да Паўднёвай лігі ў 1894 годзе і станавіўся чэмпіёнам лігі шэсць разоў — у 1897, 1898, 1899, 1901, 1903 і 1904 гадах.

«Святыя» ўвайшлі ў Футбольную Лігу ў 1920 годзе, як член-заснавальнік трэцяга дывізіёна. Першы тытул прыйшоў у 1922 годзе, калі «Саўтгемптан» стаў чэмпіёнам дывізіёна. Дагэтуль «святыя» паспелі паўдзельнічаць у двух фіналах Кубка Англіі ў 1900 і 1902 гадах, але трафей абодва разы не скарыўся ім. Падняўшыся ў 1922 годзе ў другі дывізіён, «святыя» гулялі ў ім да 1953 года, калі зноў не апусціліся ў трэці дывізіён.

Пасляваенны час

Легенда «Саўтгемптана» і англійскага футбола Альф Рамсей быў сапраўднай зоркай пасляваеннага перыяду, і, шмат у чым дзякуючы яму, у 1960 годзе «Саўтгемптан» зноў вярнуўся ў другі дывізіён. Пры дапамозе такіх зорак як Марцін Чыверс, Тэры Пейн і Мік Чэнан, «святыя» ўпершыню ў гісторыі выйшлі ў Першы дывізіён у 1966 годзе.

Праз сем гадоў, у 1974 годзе каманда зноў выбыла ў другі дывізіён. Цікава, што кампанію ім тады склаў «Манчэстэр Юнайтэд». Аднак праз два гады «Саўтгемптан» дамогся найбуйнейшага поспеху ў сваёй гісторыі — у 1976 годзе, з’яўляючыся клубам другога дывізіёна, паўднёўцы заваявалі Кубак Англіі, абыграўшы на знакамітым «Уэмблі» на той момант ужо аднаго з лідараў вышэйшага дывізіёна «Манчэстэр Юнайтэд» з лікам 1:0. Пераможцы гол быў забіты Бобі Стоўксам.

Дасягненні

• Кубак Англіі:
  • 1976

Склад

Станам на люты 2023 года.

№ Паз. Імя Нар. 1 Бр Алекс Мак-Карці 1989 2 Аб Кайл Уокер-Пітэрс 1997 3 ПА Энзлі Мейтленд-Найлз 1997 4 Аб Лянка 1997 6 Аб Дуе Чалета-Цар 1996 7 ПА Джо Арыба 1996 8 ПА Джэймс Уорд-Проўз (капітан) 1994 9 Нап Адам Армстранг 1997 10 Нап Чэ Адамс 1996 11 Нап Міслаў Оршыч 1992 12 Нап Пол Ануачу 1994 13 Бр Вілі Кабальера 1981 14 Аб Джэймс Бры 1997 15 Аб Рамен Перо 1997 17 ПА Сцюарт Армстранг 1992 18 ПА Секу Мара 2002

№ Паз. Імя Нар. 19 ПА Муса Джэнепо 1998 20 Нап Камалдын Сулемана 2002 21 Аб Тына Ліўрамента 2002 22 Аб Махамед Салісу 1999 23 ПА Сэмюэл Эдозі 2003 24 Нап Махамед Эльюнусі 1994 26 ПА Карлас Алькарас 2002 27 ПА Ібрахіма Дыяло 1999 28 Аб Хуан Ларыяс 2004 31 Бр Гэвін Базуну 2002 32 Нап Тэа Уолкат 1989 35 Аб Ян Бэднарак 1996 37 Аб Армель Бела-Качап 2001 45 ПА Рамеа Лавія 2004 Аб Джэйк Вокінс 2000

Спасылкі

• На Вікісховішчы ёсць медыяфайлы па тэме ФК Саўтгемптан
• Афіцыйная старонка (англ.)
• Сайт рускамоўных заўзятараў «Саўтгемптана» (руск.)