ФК Хал Сіці

англійскі футбольны клуб

«Хал Сіці» (англ.: Hull City Association Football Club) — прафесійны англійскі футбольны клуб з горада Кінгстан-апан-Хал, Усходні райдынг Ёркшыра. У сезоне 2008/09 клуб упершыню ў сваёй гісторыі выступіў у Прэм’ер-лізе, правёўшы ў вышэйшым дывізіёне два сезоны запар. У сезонах 2013/14 і 2014/15 клуб зноў гуляў у Прэм’ер-лізе, пасля вярнуўся туды ў сезоне 2016/17.

Хал Сіці
Поўная назва Hull City Association Football Club
Мянушкі The Tigers (Тыгры)
Заснаваны 1904
Горад Кінгстан-апан-Хал, Англія
Стадыён Кінгстан Кам’юнікейшн
Умяшчальнасць: 25 450
Уладальнік Асем Алам[d]
Прэзідэнт Асем Алам
Галоўны трэнер Найджэл Эдкінс
Чэмпіянат Чэмпіёншып
2018/19 13 месца
Сайт Афіцыйны сайт
Форма
Асноўная
форма
Форма
Гасцявая
форма
Форма
Рэзервовая
форма

Заснаваны ў 1904 годзе «Хал Сіці» меў сваім найвышэйшым дасягненнем толькі 3 месца ў старым Другім Дывізіёне Футбольнай лігі. Каманда паўтарыла гэта дасягненне ў сезоне 2007/08 гадоў ужо ў Чэмпіянаце Футбольнай лігі, заняўшы 3 месца пасля перамогі над «Брысталь Сіці» з лікам 1:0 у фінале плэй-оф на «Уэмблі». Найвялікшым кубкавым дасягненнем каманды з’яўляецца паўфінал Кубка Англіі ажно ў 1930 годзе. «Хал Сіці» праводзіць хатнія сустрэчы на стадыёне «КС Стэдыум» ёмістасцю 25 404 чалавекі. Да 2002 года каманда выступала на стадыёне «Бутферы Парк». Традыцыйнымі колерамі клуба з’яўляюцца чорны і бурштынавы. Дызайн футбольных кашуляў звычайна ўтрымлівае палоскі, адгэтуль і мянушка каманды — тыгры. Талісманам клуба з’яўляецца тыгр, які рычыць (англ.: Roary The Tiger).

ГісторыяПравіць

Раннія гадыПравіць

«Хал Сіці» быў заснаваны ў чэрвені 1904 года[1]. Дагэтуль былі зроблены некалькі спробаў да стварэння клуба, але яны апынуліся няздалымі з-за дамінавання ў горадзе рэгбійных каманд, як «Хал» і «Хал Кінгстан Роверс»[1]. Першы сезон клуба складаўся толькі з удзелаў у таварыскіх гульнях, бо клуб не паспеў падаць заяўку на ўступ у Футбольную лігу ў сезоне 1904/05[2]. Першы таварыскі матч клуба прайшоў 1 верасня 1904 года супраць клуба «Нотс Каўнці» і скончыўся ўнічыю з лікам 2:2 унічыю, на матчы прысутнічала каля 6 тысяч гледачоў. Гэтае супрацьстаенне прайшло на стадыёне рэгбійнага клуба «Хал»[3]. Першы афіцыйны матч футбольны клуб правёў у рамках розыгрышу Кубка Англіі 17 верасня супраць клуба «Скотан». Гульня скончылася з лікам 3:3, але ў перайгроўцы 22 верасня ігракі «Хала» атрымалі паражэнне з лікам 1:4[4]. Пасля спрэчак з арэндадаўцамі з рэгбійнага клуба, «Хал Сіці» пераехаў на Энлэбі Роўд Крыкет Граўнд[1]. Згуляўшы 44 таварыскія гульні ў папярэднім сезоне клуб быў, нарэшце, прыняты ў Другі дывізіён на сезон 1905/06[5]. Супернікамі клуба па чэмпіянату былі клубы, як «Манчэстэр Юнайтэд» і «Чэлсі», а таксама супернікі па Ёркшыру клуб «Барнслі», «Брэдфард Сіці» і «Лідс Сіці»[4]. «Хал Сіці» першую гульню праводзіў дома, прыняўшы ў сябе «Барнслі» і атрымаўшы перамогу з лікам 4:1[4]. У рэшце рэшт, «Хал Сіці» скончыў сезон на пятым месцы[5].

«Хал Сіці» і «Грымсбі Таўн» былі адзінымі прафесійнымі клубамі, якія мелі афіцыйны дазвол гуляць у футбольнай лізе на Каляды з-за патрабаванняў гандлю рыбай. Але гэтая традыцыя ў тыя часы знікла пасля рэзкага скарачэння іх флоту траўлераў у апошнія гады да таго[6]. У наступным сезоне клуб пераехаў на новы адбудаваны стадыён, які размяшчаўся насупраць ад крыкетнай пляцоўцы, дзе клуб праводзіў свае матчы. Усё яшчэ знаходзячыся пад кіраўніцтвам трэнера Эмброўза Лэнглі, «Хал» працягваў паслядоўна фінішаваць у верхняй палове выніковай табліцы. Клуб наблізіўся да прасоўвання ў вышэйшы дывізіён у сезоне 1909/10 і гэты сезон быў самым паспяховым у гісторыі клуба да 2008 года. «Хал Сіці» заняў трэцяе месца і меў роўную колькасць пунктаў з размешчаным на другім радке «Олдхэмам Атлетык», аднак паказчык сярэдняй колькасці галоў за матч (0,29) не дазволіў клуба атрымаць павышэнне ў класе[5]. «Хал» рэгулярна фінішаваў у першай палове табліцы да пачатку Першай сусветнай вайны, але пасля вайны каманда сканчвала сезон у ніжняй палове на працягу сямі сезонаў з апошніх адзінаццаці, у выніку выляцеўшы ў трэці дывізіён у 1930 годзе.

ПрацягПравіць

У 1930 годзе клуб дасягнуў паўфіналу Кубка Англіі. На шляху да паўфіналу «Хал Сіці» выбіў з турніру «Лідс Юнайтэд», «Блэкпул», «Плімут Аргайл», «Манчэстэр Сіці» і «Ньюкасл Юнайтэд». У паўфінале «тыгры» сустрэліся з «Арсеналам». Матч завяршыўся ўнічыю 2:2, а ў перагулёўцы мацней апынуліся «кананіры», якія атрымалі перамогу з лікам 1:0. У сезоне 2003/04 «Хал Сіці» заняў другое месца ў трэцім дывізіёне, у сезоне 2004/05 — другое месца ў першай лізе. У выніку, ужо ў на наступны сезон клуб выступаў у Чэмпіянаце Футбольнай лігі, заняўшы па выніках сезону 18 месца. Сезон 2006/07 клуб скончыў на 21 месцы, ледзь не апусціўшыся ў ніжэйшую лігу.

СкладПравіць

Станам на студзень 2020 года.

Пазіцыя Імя Год нараджэння
1   Бр Джордж Лонг 1993
2   Аб Эрык Ліхай   1988
3   Аб Раян Тафазолі 1991
4   Аб Ёрдзі дэ Вейс 1995
5   Аб Рыс Барк 1996
6   Аб Кевін Сцюарт 1993
8   ПА Дэніэл Бэці 1997
9   Нап Том Іўз 1992
10   ПА Хон Тараль 1995
11   ПА Маркус Мэдзісан 1993
13   Бр Мэт Інграм 1993
15   Аб Энгас Мак-Дональд 1992
16   ПА Робі Мак-Кензі 1998
17   Аб Шон Мак-Лолін 1996
18   ПА Джордж Ханіман 1994
Пазіцыя Імя Год нараджэння
19   ПА Джош Боўлер 1999
22   ПА Маркус Хенрыксен 1992
23   Аб Стывен Кінгслі 1994
24   Нап Норберт Балаг 1996
25   Аб Мэцью Пенінгтан 1994
26   Аб Калум Элдэр 1995
27   Нап Джош Маджэніс 1990
31   Нап Кін Льюіс-Потэр 2001
36   ПА Джэксан Ірвайн 1993
37   ПА Леанарду Лопіш 1998
38   ПА Эліят Бондс 2000
41   ПА Хербі Кейн 1998
42   ПА Марцін Самуэльсен 1997
43   Нап Малік Уілкс 1998
  Нап Джэймс Скот 2000

Ігрок сезонуПравіць

Сезон Пераможца
2000–01   Іэн Гудысан
2001–02   Гары Александэр
2002–03   Сцюарт Эліят
2003–04   Дэм’ен Дэлейні
2004–05   Сцюарт Эліят
2005–06   Боаз Майхіл
2006–07   Эндзі Доўсан
2007–08   Майкл Цёрнер
2008–09   Майкл Цёрнер
2009–10   Стывен Хант
2010–11   Энтані Джэрард
2011–12   Роберт Коран
2012–13   Ахмед аль-Мухамадзі
2013–14   Кёртыс Дэвіс
2014–15   Майкл Доўсан
2015–16   Абель Эрнандэс
2016–17   Сэм Клукас

Зноскі

  1. 1,0 1,1 1,2 1904–1915: The Formative Years. Hull City Mad
  2. Hull City. Historical Football Kits.
  3. History of the Tigers. Hull City A.F.C.
  4. 4,0 4,1 4,2 Peterson, Mike (1999). The Definitive Hull City A.F.C. : A statistical history to 1999. Tony Brown. p. 13. ISBN 1-899468-13-7.
  5. 5,0 5,1 5,2 Hull City. Football Club History Database
  6. Grimsby fish market to open over festive period — FISHupdate.com

СпасылкіПравіць