ФК Хваля Пінск

Хваля Пінск
Хваля Пінск
Поўная назва	ДСУ «Футбольны клуб "Хваля-Пінск"»
Заснаваны	1987
Горад	Пінск, Беларусь
Стадыён	«Хваля»; Умяшчальнасць: 3100
Дырэктар	Уладзімір Мамаеў
Галоўны трэнер	Сяргей Ясковіч
Чэмпіянат	Першая ліга
2022	7 месца
Сайт	Афіцыйны сайт
Асноўная; форма	Гасцявая; форма

«Хваля» — беларускі футбольны клуб з горада Пінск, заснаваны ў 1987 годзе. У цяперашні час выступае ў Першай лізе чэмпіянату Беларусі.

ГісторыяПравіць

2013Правіць

Сезон 2013 «Хваля» пачала выдатна, атрымаўшы на старце 5 перамог запар. Пасля першага круга каманда ішла на чацвёртым месцы. Але ў другім крузе вынікі пайшлі на спад. Каманда выдала дзесяціматчавую серыю без перамог. Нягледзячы на тое, што серыя была перарвана ў апошнім туры перамогай над «Віцебскам» (1:0), «Хваля» скончыла сезон толькі на 12 месцы, што стала найгоршым вынікам з 2006 года.

2014Правіць

Перад пачаткам сезона 2014 «Хваля» страціла сваіх лідараў, замест якіх у каманду вярнуўся шэраг вопытных гульцоў-пінчан, таксама ў каманду прыйшлі маладыя ігракі з іншых клубаў. У выніку, каманда з самага пачатку турніру апынулася ў канцы табліцы, доўгі час «Хваля» змагалася за выжыванне (Першую лігу ў сезоне 2014 пакідаў адзін клуб) са «Слонімам». Цяжкім ударам для пінчукоў стала смерць брамніка Мікалая Адамца ў верасні 2014 года. У кастрычніку 2014 года, пасля ўдалай серыі «Слоніма», «Хваля» замацавалася на апошнім радку і ўжо за некалькі тураў да канца страціла шанцы застацца ў другім дывізіёне.

2015Правіць

У сезоне 2015 «Хвалю» прадстаўлялі ў асноўным уласныя выхаванцы. Камандзе ставілася задача вярнуцца ў Першую лігу, але гульня ў чэмпіянаце ішла не лепшым чынам — пінчукі саступілі сваім асноўным канкурэнтам. У ліпені 2015 года Вадзіма Бяленку на трэнерскім мастку замяніў Сяргей Шульжык, аднак ён не здолеў выправіць сітуацыю. Толькі ў канцы турніру каманда стала трывала атрымоўваць перамогі, аднак гэта не выратавала яе ад пятага месца і непападання нават у фінальны этап.

2016Правіць

Перад сезонам 2016 камандзе была пастаўлена мэта вярнуцца ў Першую лігу. «Хваля» была яўным фаварытам чэмпіянату і ў выніку ўпэўнена атрымала перамогу ў Другой лізе, забяспечыўшы першае месца за некалькі тураў да фінішу.

2017Правіць

Пасля выхаду ў Першую лігу каманда захавала асноўных ігракоў, да якіх далучыўся шэраг навабранцаў з вопытам выступлення ў Вышэйшай лізе. У сезоне 2017 каманда амаль адразу замацавалася ў цэнтры табліцы, у выніку скончыла сезон на сёмым месцы.

2018Правіць

Сезон 2018 атрымаўся для «Хвалі» няўдалым, каманда хутка апынулася ў ніжняй частцы табліцы. У ліпені Сяргей Шульжык падаў у адстаўку, аднак пры новым трэнеры Віталі Кірылку сітуацыя не змянілася, і каманда скончыла сезон на 13-м месцы з 15.

2019Правіць

У пачатку 2019 года каманду ўзначаліў Алег Кароль, які прывёў шмат ігракоў са свайго былога клуба, «Слоніма-2017». Каманда ставіла мэты заняць месца ў верхняй палове табліцы, спачатку «Хваля» ішла ў сярэдзіне табліцы, але хутка шэраг няўдач адкінуў яе бліжэй да зоны вылету. У верасні Кароль пакінуў каманду, на яго месца быў прызначаны Вадзім Бяленка, аднак істотна гэта сітуацыю не выправіла, пінская каманда скончыла сезон на 12-м месцы.

2020Правіць

У 2020 годзе каманду папоўніла шмат ігракоў з вопытам выступу ў Вышэйшай лізе. Большую частку сезона «Хваля» знходзілася ў сярэдзіне табліцы і, нягледзячы на няўдалы фініш турніру (ніводнай перамогі ў васьмі апошніх матчах), заняла выніковае дзявятае месца.

2021Правіць

У пачатку 2021 года новым галоўным трэнерам стаў пінчанін Сяргей Ясковіч, які перад гэтым паспяхова ўзначальваў дзяржынскі «Арсенал». Каманда працягвала ўзмацоўвацца вопытнымі ігракамі, што прынесла плён — «Хваля» хутка замацавалася ў верхняй палове табліцы і часам прэтэндавала на прызавыя месцы. Толькі па выніках апошняга тура пінская каманда страціла шанцы на выхад у Вышэйшую лігу, фінішаваўшы чацвёртай.

2022Правіць

У сезоне 2022 «Хваля» лічылася аднім з фаварытаў і добра пачала, але пасля пайшлі няўдачы. Нягледзячы на шэраг перамог над канкурэнтамі, паражэнні працягваліся, і неўзабаве пінская каманда апусцілася ў сярэдзіну табліцы. «Хваля» яшчэ магла змагацца за выхад у Вышэйшую лігу, але няўдалы фініш пакінуў каманду на сёмым месцы.

Папярэднія назвыПравіць

1987—1996: «Камунальнік»
1997—2005: «Пінск-900»
з 2006: «Хваля»

ДасягненніПравіць

Пераможца Другой лігі чэмпіянату Беларусі: 2016
Лепшае дасягненне ў Першай лізе — 2 месца (1995, 2009)
Чвэрцьфіналіст Кубка Беларусі: 1992/93

Цяперашні складПравіць

Станам на сакавік 2023 года, згодна з афіцыйным сайтам клуба^[1].


№	Паз.	Імя	Нар.
1	Бр	Аляксей Калтыгін	2000
12	Бр	Станіслаў Ляцко	2001

4	Аб	Арцём Татарэвіч	1992
5	Аб	Кірыл Коўш (у арэндзе з «Дынама» Мінск)	2004
17	Аб	Кірыл Палхоўскі	2002
18	Аб	Антон Шэпелеў	1989
77	Аб	Дзмітрый Шуляк (у арэндзе з «Шахцёра»)	2002

6	ПА	Ілья Сушчынскі	2005
7	ПА	Азам Раджабаў	1993


№	Паз.	Імя	Нар.
9	ПА	Максім Грачыха	1993
11	ПА	Данііл Ткачык	2002
15	ПА	Віталь Кібук (капітан)	1989
19	ПА	Кірыл Кавалевіч	2004
83	ПА	Сяргей Валадзько	1983

8	Нап	Ягор Бажко	2006
10	Нап	Грыгор Мурадзян	2002
16	Нап	Дзяніс Кляпач	2005
29	Нап	Даніла Стаін	2002

Трэнерскі штабПравіць

Сяргей Ясковіч (нар. 1972) — галоўны трэнер
Віталь Кірылка (нар. 1973) — старшы трэнер
Сяргей Валадзько (нар. 1983) — трэнер
Андрэй Астроўскі (нар. 1973) — трэнер
Дзмітрый Аснін (нар. 1984) — трэнер брамнікаў

Статыстыка выступленняўПравіць

Чэмпіянат і Кубак БеларусіПравіць

Сезон	Ліга	М	Г	В	Н	П	Галы	Ачкі	Кубак	Заўвагі
1992	Другая (Д2)	3	15	8	4	3	20–13	20	1/32 фіналу
1992/1993	Другая (Д2)	5	30	15	4	11	52–40	34	Чвэрцьфінал
1993/1994	Другая (Д2)	3	28	17	6	5	58–21	40	1/8 фіналу
1994/1995	Другая (Д2)	3	30	16	8	6	45–26	40	1/16 фіналу
1995	Другая (Д2)	2	14	9	2	3	22–13	29	1/16 фіналу
1995	Пераходныя матчы^[A]		2	1	0	1	2–3	3	1/16 фіналу
1996	Другая (Д2)	5	24	10	8	6	40–19	38	1/16 фіналу
1997	Другая (Д2)	8	30	12	8	10	43–36	44	1/16 фіналу
1998	Першая (Д2)	3	30	17	8	5	54–22	59	1/16 фіналу	Змена назваў ліг
1999	Першая (Д2)	15	30	6	8	16	33–50	26	1/16 фіналу	Вылет у Другую лігу
2000	Другая — Б (Д3)	6	16	5	4	7	17–24	19	1/16 фіналу
2001	Другая (Д3)	7	34	17	3	14	61–37	54	1/16 фіналу
2002	Другая (Д3)	2	24	16	4	4	50–22	52	1/32 фіналу	Выхад у Першую лігу
2003	Першая (Д2)	16	30	5	4	21	28–59	19	1/16 фіналу	Вылет у Другую лігу
2004	Другая (Д3)	4	24	15	5	4	62–25	50	1/16 фіналу
2005	Другая (Д3)	2	26	21	4	1	57–16	67	1/32 фіналу	Выхад у Першую лігу
2006	Першая (Д2)	8	26	10	4	12	47–48	34	1/16 фіналу
2007	Першая (Д2)	7	26	11	6	9	34–38	39	1/16 фіналу
2008	Першая (Д2)	4	26	15	3	8	39–25	48	1/8 фіналу
2009	Першая (Д2)	2	26	16	3	7	52–31	51	1/16 фіналу
2010	Першая (Д2)	10	30	11	2	17	31–48	35	1/8 фіналу
2011	Першая (Д2)	7	30	13	6	11	52–38	45	1/16 фіналу
2012	Першая (Д2)	8	28	8	10	10	24–45	34	1/8 фіналу
2013	Першая (Д2)	12	30	11	6	13	30–41	39	1/16 фіналу
2014	Першая (Д2)	16	30	4	8	18	26–62	20	1/16 фіналу	Вылет у Другую лігу
2015	Другая — Б (Д3)	5	18	9	5	4	43–18	32	1/16 фіналу
2015	Матчы за 9 месца^[B]	9	2	2	0	0	6–1		1/16 фіналу
2016	Другая (Д3)	1	24	19	3	2	87–40	60	1/16 фіналу	Выхад у Першую лігу
2017	Першая (Д2)	7	30	13	4	13	48–48	43	1/16 фіналу
2018	Першая (Д2)	13	28	6	7	15	23–49	25	1/16 фіналу
2019	Першая (Д2)	12	28	5	6	17	29–49	21	1/16 фіналу
2020	Першая (Д2)	9	26	6	7	13	41–52	27	1/16 фіналу
2021	Першая (Д2)	4	33	16	8	9	49–39	56	1/16 фіналу
2022	Першая (Д2)	7	24	10	6	8	44–35	36	1/16 фіналу

↑ Пераходныя матчы за месца ў Вышэйшай лізе супраць клуба «Шыннік» (Бабруйск), перадапошняй каманды Першай лігі 1995.
↑ Стыкавыя матчы супраць клуба «Тарпеда» (Магілёў), які заняў 5 месца ў групе А (2:1, 4:0).

Галоўныя трэнерыПравіць

Міхаіл Шаламіцкі (1991 — 1994)
Аляксандр Шавялянчык (1995 — 1997)
Уладзімір Шумарын (1998 — 1999)
Сяргей Шушкевіч (2000 — жнівень 2003)
Сяргей Пазняк (жнівень — лістапад 2003)
Міхаіл Шаламіцкі (2004 — снежань 2009)
Андрэй Астроўскі (снежань 2009 — ліпень 2010)
Сяргей Шульжык (ліпень 2010 — верасень 2012)
Сяргей Чэпкі (верасень 2012 — май 2014)
Вадзім Бяленка (чэрвень 2014 — ліпень 2015)
Сяргей Шульжык (в.а. у ліпені — лістападзе 2015; 2016 — ліпень 2018)
Віталь Кірылка (в.а. у ліпені — снежні 2018)
Алег Кароль (студзень — верасень 2019)
Вадзім Бяленка (в.а. у верасні — снежні 2019; студзень — снежань 2020)
Сяргей Ясковіч (са студзеня 2021)

Зноскі

↑ Основной состав

СпасылкіПравіць

Афіцыйны сайт (руск.)
Профіль на сайце globalsportsarchive.com (англ.)
Профіль на сайце wildstat.ru (руск.)

[2] Пераходныя матчы за месца ў Вышэйшай лізе супраць клуба «Шыннік» (Бабруйск), перадапошняй каманды Першай лігі 1995.

[3] Стыкавыя матчы супраць клуба «Тарпеда» (Магілёў), які заняў 5 месца ў групе А (2:1, 4:0).

[1] Основной состав

[1]

[A]

[B]