Факультэт камп’ютарных сістэм і сетак БДУІР

Факультэт камп’ютарных сістэм і сетак БДУІР (ФКСІС БДУІР) — адзін з факультэтаў Беларускага дзяржаўнага ўніверсітэта інфарматыкі і радыёэлектронікі.

Факультэт камп’ютарных сістэм і сетак БДУІР
Беларускі дзяржаўны ўніверсітэт інфарматыкі і радыёэлектронікі
Заснаваны	1980
Дэкан	Сяргей Мікалаевіч Несцярэнкаў
Месцазнаходжанне	Савецкі раён
Адрас	Мінск, Вуліца Гікалы, 9
fksis.bsuir.by

Гісторыя

Гісторыя факультэта пачынаецца з 1964 года, з факультэта аўтаматыкі і вылічальнай тэхнікі, які быў створаны разам з Мінскім радыётэхнічным інстытутам і які з’яўляўся папярэднікам сучаснага ФКСІС. У 1980 годзе факультэт аўтаматыкі і вылічальнай тэхнікі быў рэарганізаваны і падзелены на два факультэты — факультэт вылічальнай тэхнікі і факультэт аўтаматызацыі кіравання. У 1995 годзе факультэт вылічальнай тэхнікі быў перайменаваны ў факультэт камп’ютарных сістэм і сетак.

Падзеі 2020 года

Пасля масавых фальсіфікацый на прэзідэнцкіх выбарах 2020 года, жорсткага разгону акцый пратэстаў, збіцця і катаванняў затрыманых пратэстоўцаў, шматлікія студэнты ўніверсітэта падтрымалі пратэсты. 26 кастрычніка па закліку Святланы Ціханоўскай яны далучыліся да агульнанацыянальнай забастоўкі. 27 кастрычніка Аляксандр Лукашэнка запатрабаваў адлічваць усіх студэнтаў і звальняць выкладчыкаў, якія прымаюць удзел у несанкцыянаваных акцыях.

Дэкан факультэта камп’ютарных сістэм і сетак Марына Лукашэвіч адмовілася падпісваць загад аб адлічэнні студэнтаў свайго факультэта і напісала заяву на звальненне па ўласным жаданні.

Склад факультэта

Факультэт мае ў сваім складзе наступныя кафедры:

• Вышэйшай матэматыкі
• Інфарматыкі
• Праграмнага забеспячэння інфармацыйных тэхналогій
• Электронных вылічальных машын
• Электронных вылічальных сродкаў
• Фізікі
• Філасофіі

Дэканы

• Аляксандр Яфімавіч Ляўсенка (1980–1982)
• Марына Міхайлаўна Лукашэвіч (?-2020)
• Наталля Баброва (2020—2022)
• Сяргей Мікалаевіч Несцярэнкаў (з 2022)

Спасылкі

• Афіцыйны партал ФКСІС БДУІР