Фама Іяўлевіч

Фама Іяўлевіч
Фама Іяўлевіч
Асабістыя звесткі
Дата нараджэння	каля XVII стагоддзе
Месца нараджэння	Магілёў, Беларусь;
Грамадзянства	Вялікае Княства Літоўскае;
Альма-матар	Магілёўская брацкая школа[d]; Ягелонскі ўніверсітэт;
Месца працы	Кіеўская брацкая школа[d];
Прафесійная дзейнасць
Род дзейнасці	пісьменнік, педагог
Мова твораў	польская

Фама Іяўле́віч — беларускі пісьменнік i педагог першай паловы 17 ст.

У Вікіпедыі ёсць артыкулы пра іншых асоб з прозвішчам Іяўлевіч.

БіяграфіяПравіць

Нарадзіўся ў Магілёве. Вучыўся ў Магілёўскай брацкай школе, у сярэдзіне 1620-х гадоў — у Ягелонскім універсітэце ў Кракаве. 3 канца 1620 — пачатку 1630-х гадоў рэктар Кіеўскай брацкай школы, з 1632 года займаўся педагагічнай дзейнасцю ў Магілёўскім, a ў 1640-я гады ў Слуцкім брацтвах.

Аўтар паэмы «Лабірынт, або Заблытаная сцежка» (Кракаў, 1625, на польскай мове). У паэме, прасякнутай ідэямі асветніцтва, услаўляў неабмежаваныя магчымасці чалавечага розуму, асвету, навуку, заклікаў да адзінства славянскіх народаў у грамадска-палітычным і культурным жыцці. Твор Іяўлевіча — узор экспрэсіўна-метафарычнай паэзіі барока.

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.
Мысліцелі і асветнікі Беларусі: Энцыкл. даведнік / Беларус. Энцыкл.; Гал. рэд. «Беларус. Энцыкл.»: Б. І. Сачанка (гал. рэд) і інш.; Маст. Э. Э. Жакевіч. — Мн.: БелЭн, 1995.
Голенченко Г. Я. Идейные и культурные связи восточнославянских на¬родов в XVI—середине XVII в. Мн., 1989. С. 121—124.