Фелікс Варбург
Фелікс Морыц Варбург (ням.: Felix Moritz Warburg; 14 студзеня 1871, Гамбург, Германія — 20 кастрычніка 1937, Нью-Ёрк, ЗША) — нямецкі і амерыканскі фінансіст яўрэйскага паходжання. Старэйшы партнёр у фірме «Kuhn, Loeb & Co.», партнёр у «M. M. Warburg & CO.», адзін з заснавальнікаў «Джойнта».
Фелікс Варбург | |
---|---|
ням.: Felix Warburg | |
Дата нараджэння: | 14 студзеня 1871[1] |
Месца нараджэння: | |
Дата смерці: | 20 кастрычніка 1937[3][1][…] (66 гадоў) |
Месца смерці: | |
Месца пахавання: | |
Грамадзянства: | |
Кампанія |
«M.M.Warburg & CO.» (en:M.M.Warburg & CO.) |
Пасада | партнёр |
Кампанія | «Kuhn, Loeb & Co.» |
Пасада | старэйшы партнёр |
Аўтограф | |
Медыяфайлы на Вікісховішчы |
Біяграфія правіць
Фелікс Варбург нарадзіўся ў сям’і Майсея Варбурга, нямецкага банкіра. Яго братамі былі мастацтвазнавец Абі, «бацька Федэральнай Рэзервовай Сістэмы ЗША» Пол, дырэктар фамільнага банка Варбургаў Макс і тэолаг Фрыц.
У ЗША Фелікс пераехаў у 1894 годзе[6]. У гэтым жа годзе ён ажаніўся з Фрыдай Шыф, дачкой прэзідэнта «Kuhn, Loeb & Co.» Якаба Шыфа. Варбург стаў старэйшым партнёрам у кампаніі «Kuhn, Loeb & Co.».
У 1910 годзе ён вылучаў грошы на доўгатэрміновы крэдыт для мадэрнізацыі ваенна-прамысловага комплексу Брытаніі, у рамках заканадаўчага акту аб мадэрнізацыі грамадзянскага і ваеннага флоту Вялікабрытаніі"[7].
Фелікс Варбург стаў адным са стваральнікаў Амерыканскага яўрэйскага размеркавальнага камітэта (Джойнт) сумесна з Я. Шыфам і Л. Маршалам . Ён праславіўся як актыўны філантроп і лідар амерыканскай яўрэйскай абшчыны ў першых дзесяцігоддзях дваццатага стагоддзя[6]. Варбург спрыяў развіццю яўрэйскіх паселішчаў у Эрэц-Ісраэль, аказваў падтрымку Палесцінскай эканамічнай карпарацыі і Яўрэйскаму ўніверсітэту ў Іерусаліме, браў удзел у пашырэнні Яўрэйскага агенцтва[6].
У 1927 годзе Фелікс Варбург наведаў Савецкі Саюз, у якасці аднаго з кіраўнікоў праекта «Агра-Джойнт». Ён пабываў у сарака яўрэйскіх паселішчах ва Украіне і ў Крыме[8].
У Ф. Варбурга былі чатыры сыны — Фрэдэрык Маркус, Геральд Фелікс, Пол Фелікс і Эдвард Морцімер. А таксама дачка Карола, якая ў 1916 годзе выйшла замуж за Уолтэра Натана Ротшыльда[9].
Гл. таксама правіць
Зноскі
- ↑ а б Felix Warburg // Brockhaus Enzyklopädie Праверана 9 кастрычніка 2017.
- ↑ Deutsche Nationalbibliothek Агульны нарматыўны кантроль — 2012—2016. Праверана 11 снежня 2014.
- ↑ http://collections.americanjewisharchives.org/ms/ms0457/ms0457.html
- ↑ Lancaster New Era — Ланкастэр.
- ↑ Find a Grave — 1996.
- ↑ а б в Артыкул «Варбург, семья» у Электроннай яўрэйскай энцыклапедыі
- ↑ Сергей Виряскин. Короли финансового капитала. Миллиардеры в эпоху первой мировой войны и расцвета империализма Архівавана 30 кастрычніка 2009..
- ↑ Powerful Jewish Dynasty Profiled. Сайт «Institute for Historical Review» . Архівавана з першакрыніцы 1 лютага 2009. Праверана 8 студзеня 2009.
- ↑ MISS WARBURG IS BETROTHED. Статья в газете «New York Times»(недаступная спасылка). Архівавана з першакрыніцы 3 сакавіка 2016. Праверана 29 кастрычніка 2017.
Спасылкі правіць
- На Вікісховішчы ёсць медыяфайлы па тэме Фелікс Варбург
- Артыкул «Варбург, семья» у Электроннай яўрэйскай энцыклапедыі
- Біяграфічная даведка на сайце «NNDB»