Фелікс Фёдаравіч Гумен

Фелікс Фёдаравіч Гумен (нар. 28 сакавіка 1941, в. Кальцова, Амурская вобласць, РСФСР) — беларускі мастак-акварэліст, адзін з пачынальнікаў Віцебскай школы акварэлі.

Фелікс Фёдаравіч Гумен
Дата нараджэння	28 сакавіка 1941(1941-03-28) (83 гады)
Месца нараджэння	Кальцова, Амурская вобласць, Хабараўскі край, РСФСР, СССР
Род дзейнасці	акварэліст
Месца працы	Віцебскі дзяржаўны педагагічны інстытут
Вучоба	Віцебскі дзяржаўны педагагічны інстытут (1962)
Мастацкі кірунак	Віцебская школа акварэлі

Скончыў Віцебскі педагагічны інстытут у 1962 годзе. У 1965-74 гадах выкладаў у ім. Аўтар эмацыянальна выразных, пераважна пленэрных, пейзажаў: «Сафійскі сабор у Полацку» (1967), «Наваполацк. Сонца над горадам» (1968), «Віцебскі дварок» (1975), «Ушацкія азёры» (1994), «Лагойшчына» (1995) і іншыя.

Нацюрморты вылучаюцца дакладнай перадачай фактуры рэчаў, формы: «Кветкі шыпшыны» (1967), «Камбала» (1970), «Клопаты гаспадыні» (1972),. «Атрыбуты мастацтва» (1974), «Дзьмухаўцы» (1982), «Нацюрморт» (1990), «Званочкі з яра» (1995) і іншыя. Для творчасці характэрны шырокая манера пісьма, сакавіты колер, кантрасты святла і ценю.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).