Флагманскі карабель
Флагманскі карабель — флагман, карабель, на якім знаходзяцца камандуючы, ці камандзір злучэння, штаб і флагманскі камандны пункт (ФКП), абсталяваны сродкамі кіравання. На ФКП разгортваюцца штабныя пасты, знаходзяцца афіцэры сувязі злучэнняў і часцей флоту (флатыліі), сухапутных войскаў і авіяцыі, якія ўзаемадзейнічаюць паміж сабой. Флагманскі карабель носіць сцяг, прысвоены камандзіру гэтага злучэння. У начны час флагманскі карабель носіць флагманскі агонь. Флагманскім караблём звычайна называюць таксама лепшыя і найбуйнейшыя судны параходстваў, экспедыцый, флатылій прамысловых суднаў.