Фондавая біржа

Фондавая біржа — арганізацыя на ўзаемных пачатках, якая надае мажлівасць брокерам і трэйдэрам гандляваць рознымі відамі каштоўных папер. Звычайна, няма абавязку гандляваць каштоўнымі паперамі непасрэдна на біржы. Можна рабіць гэта ў абход, тады гэтае пагадненне завецца пазабіржавым.

Нью-Ёркская фондавая біржа

Лонданская фондавая біржа (англ.: The London Stock Exchange) у Лонданскім сіці (City of London)

Задачы фондавай біржы

1. Падаванне цэнтралізаванага месца, дзе можа адбывацца як продаж каштоўных папер іх першым уладальнікам, так і іх перапродаж другі раз;
2. Выяўленне раўнаважкага біржавога кошту;
3. Акумуляванне часова свабодных грашовых сродкаў і спрыянне перадачы права ўласнасці;
4. Забеспячэнне галоснасці, адкрытасці біржавога гандлю;
5. Забеспячэнне арбітражу;
6. Забеспячэнне гарантый выканання пагадненняў, заключаных у біржавой зале;
7. Распрацоўка этычных стандартаў, кодэкса паводзін удзельнікаў біржавога гандлю.

Фондавыя біржы ў ЗША

Найбольшае распаўсюджванне фондавыя біржы атрымалі ў ЗША. Найбуйнейшымі з іх з'яўляюцца:

• NYSE (Нью-Ёркская фондавая біржа)
• NASDAQ (Нацыянальная электронная фондавая біржа ЗША)
• CME (Чыкагская таварная біржа)
• NYMEX (Нью-Ёркская таварная біржа)
• GLOBEX (Глабальная электронная гандлёвая платформа)

Фондавыя біржы ў Еўропе

Асноўны артыкул: Пералік еўрапейскіх фондавых біржаў

У Еўропе размешчаны 68 дзеючых фондавых біржаў. 8 з іх уваходзяц у склад амерыканскай групы NASDAQ OMX Group, 5 - у склад Euronext.