Фёдар Трафімавіч Афанасьеў

Фёдар Трафімавіч Афанасьеў (1923, Самарская губерня — 24 чэрвеня 1944) — Герой Савецкага Саюза.

Фёдар Трафімавіч Афанасьеў
Дата нараджэння	1923
Месца нараджэння	Малое Алдаркіна[d], Бузулуцкі павет[d], Самарская губерня, РСФСР, СССР
Дата смерці	24 чэрвеня 1944(1944-06-24)
Месца смерці	Полацкі раён, Віцебская вобласць, БССР, СССР
Месца пахавання	Вайсковыя могілкі ў Тропіне
Альма-матар	Куйбышаўскае пяхотнае вучылішча[d]
Род войскаў	пяхота
Званне	лейтэнант
Бітвы/войны	Вялікая Айчынная вайна
Узнагароды і званні

Біяграфія

Закончыў 8 класаў школы, ФЗУ. Працаваў у Ленінградзе. Прызваны ў армію ў 1942 годзе ў Куйбышаўскай вобласці. Пасля заканчэння Куйбышаўскага пяхотнага вучылішча накіраваны на фронт. З сакавіка 1944 года гвардыі лейтэнант Афанасьеў камандуе ротай 201-га гвардзейскага стралковага палка 67-ай гвар-дзейскай стралковай дывізіі.

22 чэрвеня 1944 года рота 67-ай гвардзейскай стралковай дывізіі перайшла ў наступленне. Рота Афанасьева ўварвалася ў варожыя акопы і замацавалася. На працягу двух сутак адбіла 15 контратак праціўніка і ўтрымала пазіцыі. Пры далейшым прасоўванні рота адной з першых выйшла да Заходняй Дзвіны, з ходу на дапаможных сродках фарсіравала раку і захапіла плацдарм на левым беразе. У ходзе бою за пашырэнне плацдарма Фёдар Афанасьеў загінуў.

Пахаваны на воінскіх могілках у Тропіне. Яму пасмяротна прысвоена званне Героя Савецкага Саюза.

Імем Ф. Т. Афанасьева названа вуліца ў аграгарадку Слабада.

Літаратура

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.