Філалагічнае таварыства

Філалагічнае таварыства («Таварыства класічнай філалогіі і педагогікі», руск.: Филологическое общество, Общество классической филологии и педагогики) функцыянавала ў Пецярбургу з 1874 года. Ініцыятыва заснавання належала А. І. Георгіеўскаму, які быў да 1896 года і яго старшынёй.

Друкаваным органам Таварыства да 1897 года з'яўляўся «Аддзел класічнай філалогіі» «Часопіса Міністэрства народнай асветы», а пасля 1897 года — маскоўскі часопіс «Філалагічны агляд» (руск.: Филологическое обозрение).

Таварыства ажыцяўляла і асобныя выданні:

• «Doctrinae metricae summarium» — праца кіеўскага прафесара Дэлена (СПб., 1876)
• «Каментарый да сачынення Цыцэрона Cato maior» адэскага выкладчыка Ярміла Чэхаўскага (СПб., 1885)
• пераклад з дадаткамі і выпраўленнямі «Рэальнага слоўніка класічных старажытнасцей» Ф. Любкера (СПб., 1885)

З правінцыйных аддзяленняў таварыства, якія існавалі ў Маскве, Харкаве і Кіеве, ацалела толькі апошняе, якое з часам стала самастойным таварыствам.

Літаратура

• Малеин А. И. Филологическое общество // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Малеин А. И. Краткий очерк деятельности общества классической филологии и педагогики за первое двадцатипятилетие его существования // Филологическое обозрение. — Т. XVII. — 1899.