Хаім Юдкавіч Бейлькін

Хаі́м Ю́дкавіч Бе́йлькін (нар. 23 сакавіка 1931, мяст. Васілевічы, цяпер Рэчыцкі раён) — беларускі гісторык яўрэйскага паходжання. Доктар гістарычных навук (1991). Прафесар (1991).

Хаім Юдкавіч Бейлькін
Дата нараджэння	23 сакавіка 1931(1931-03-23) (93 гады)
Месца нараджэння	Васілевічы, Рэчыцкі раён, БССР, СССР
Грамадзянства	СССР  Беларусь  Ізраіль
Род дзейнасці	гісторык
Месца працы	Гомельскі філіял Беларускага політэхнічнага інстытута Беларускі гандлёва-эканамічны ўніверсітэт спажывецкай кааперацыі
Навуковая ступень	доктар гістарычных навук (1991)
Альма-матар	БДУ

Біяграфія

Скончыў Беларускі дзяржаўны ўніверсітэт. З 1954 года настаўнік гісторыі. З 1969 года на кафедры гісторыі КПСС і навуковага камунізму Гомельскага філіяла Беларускага політэхнічнага інстытута, з 1978 года дацэнт, прафесар кафедры філасофіі і гісторыі Гомельскага кааператыўнага інстытута.

Даследаваў развіццё капіталізму ў сельскай гаспадарцы Беларусі XIX — пачатку XX стагоддзяў, аграрную палітыку БССР у 1970-я — 1980-я гады. Вывучаў помнікі гісторыі і культуры Беларусі.

У 2001 годзе эміграваў у Ізраіль.

Літаратура

• Бейлькін Хаім Юдкавіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — С. 341. — 20 000 экз. — ISBN 5-85700-074-2.
• Иоффе Э., Стрелец М. Хаим Юдкович Бейлькин и его место в исторической белорусистике.