Хімічная атака на Хан-Шэйхун

Хімічная атака на Хан-Шэйхун — ваенная атака сірыйскай арміі з выкарыстаннем хімічнай зброі на сірыйскі горад Хан-Шэйхун ў правінцыі Ідліб, якая адбылася 4 красавіка 2017 года і прывяла да шматлікіх ахвяр сярод мірнага насельніцтва. Яна стала сто семдзесят пятай вядомай атакай з ужываннем хімічнай зброі за час грамадзянскай вайны ў Сірыі.[1]

Падчас нападу горад знаходзіўся пад кантролем ісламісцкай групоўкі Тахрыр аш-Шам, раней вядомай як Фронт аль-Нусра. Паселішча зведала ўдар з боку ўрадавых сілаў, пасля чаго адбылося масавае атручэнне грамадзянскіх арганічнымі фасфатамі. Паводле паведамленняў органаў аховы здароўя правінцыі Ідліб, выкід нервова-паралітычнага газу, верагодна, зарыну, стаў прычынай смерці па меншай меры 83 чалавек, больш за 557 чалавек атрымалі раненні. Арганізацыя ЮНІСЕФ паведаміла таксама пра не менш 27 забітых дзяцей[2][3].

Напад стаў самым смяротным выкарыстаннем хімічнай зброі ў сірыйскай грамадзянскай вайне пасля хімічнага нападу на Гуту ў 2013 годзе, выклікаўшы вялікі рэзананс у міжнароднай супольнасці. ААН двойчы паспрабавала прыняць рэзалюцыю, якая асуджае сірыйскі ўрад, аднак дакумент быў ветаваны Расіяй[4][5]

19 красавіка Генеральны дырэктар Арганізацыі па забароне хімічнай зброі Ахмет Узюмджю заявіў, што пры газавай атацы 4 красавіка выкарыстоўваўся зарын або яго аналаг[6].

Зноскі

  1. Zaher Sahloul Will Syria’s children ever be able to breathe?. The Globe and Mail (Apr. 07, 2017).
  2. Charkatli, Izat Over 2,000 radical rebels defect to ISIS following intra-rebel deal (23 February 2017).
  3. Search for the dead begins in Idlib after Islamic State-linked brigade leaves for Raqqa. Syria Direct (22 February 2017). Праверана 5 красавіка 2017.
  4. Anna Ahronheim Israeli officials claim Assad ordered attack, warn of Syria's chemical weapons plants. Jurusalem Post (April 07 2017).
  5. Syria 'toxic gas' attack kills 100 in Idlib province. Al-Arabiya & AFP (4 April 2017).
  6. [https://news.tut.by/world/540225.html Глава ОЗХО подтвердил применение в Идлибе зарина Читать полностью: https://news.tut.by/world/540225.html ]