Царква Прападобнай Параскевы Сербскай (Балата)
Царква Прападобнай Параскевы Сербскай — праваслаўны храм у вёсцы Балата Кобрынскага раёна Брэсцкай вобласці. Помнік драўлянага дойлідства з рысамі стылю класіцызму.
| Праваслаўны храм | |
| Царква Прападобнай Параскевы Сербскай | |
|---|---|
.jpg) | |
| 52°08′35″ пн. ш. 24°32′00″ у. д.HGЯO | |
| Краіна |
 Беларусь |
| Вёска | Балата |
| Канфесія | Праваслаўе |
| Епархія | Брэсцкая і Кобрынская |
| Благачынне | Кобрынскае |
| Архітэктурны стыль | класіцызм |
| Будаўнік | В. Гарбузаў |
| Архітэктар | Фёдар Ільіч Афанасьеў |
| Будаўніцтва | 1882—1885 гады |
| Статус |
 Гісторыка-культурная каштоўнасць Беларусі, шыфр 113Г000410 |
| Стан | дзейнічае |
 |
|
 Медыяфайлы на Вікісховішчы | |
Гісторыя
правіцьПабудавана ў 1882 годзе з дрэва паводле праекта інжынера Фёдара Афанасьева (складзены ў 1880) на месцы старога храма. У 1879 годзе вяскоўцы сабралі 694 рублі, мясцовы памешчык А. М. Ган ахвяраваў дрэва і жалеза на дах. Будаўніцтва храма ажыццявілі селянін В. Гарбузаў з сям’ёй і мясцовыя жыхары.
Архітэктура
правіцьАб’ёмна-прасторавая кампазіцыя ўключае кубападобны цэнтральны аб’ём з цыбулепадобнай галоўкай над стронкім чатырохсхільным дахам, памавугольную апсіду з бакавымі рызніцамі і тро’ярусную званіцу. Цэнтральны і два бакавыя ўваходы вылучаны адпаведна шасцю- і чатырохкалоннымі порцікамі пад двухсхільнымі дахамі. Фасады аздоблены прафіляванымі карнізамі, ліштвамі аконных праёмаў, гарызантальнай і вертыкальнай шалёўкай.
Інтэр’ер
правіцьУ інтэр’еры драўляны трох’ярусны іканастас, створаны ў 1885 г. паводле праекта інжынера Аляксандра Рэмера. Абразы XVIII — XIX стагоддзяў: «Прападобная Параскева Пятніца», «Мікалай Цудатворац», «Ражджаство Хрыстова», «Ісус Хрыстос», «Сабор Маці Божай», «Архідыякан Сцяфан», «Свяціцель»; Евангелле 1780 г.
Літаратура
правіць- Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл. — С. 253
Спасылкі
правіць- Царква Прападобнай Параскевы Сербскай (Балата) на сайце Праваслаўная архітэктура Беларусі (бел.)
- Царква Прападобнай Параскевы Сербскай (Балата) на сайце Radzima.org
- Царква Прападобнай Параскевы Сербскай (Балата) на сайце Глобус Беларусі (руск.)
- Царква Прападобнай Параскевы Сербскай (Балата) на сайце «Архіварта»