Царква Рызапалажэння Прасвятой Багародзіцы (Груздава)

Царква ў гонар Рызапалажэння Прасвятой Багародзіцы — драўляны праваслаўны храм у вёсцы Груздава Маладзечанскага раёна Мінскай вобласці, помнік беларускага народнага дойлідства.

Славутасць
Царква Рызапалажэння Прасвятой Багародзіцы
] Царква Рызапалажэння Прасвятой Багародзіцы]
54°14′21″ пн. ш. 26°46′27″ у. д.
Краіна	Беларусь
Вёска	Груздава
Канфесія	Праваслаўе
Епархія	Маладзечанская
Архітэктурны стыль	народнае дойлідства
Дата пабудовы	1871 год
Медыяфайлы на Вікісховішчы

Гісторыя

У паўднёвай частцы вёскі. Пабудавана ў 1871 годзе з дрэва на месцы зруйнаванай мураванай уніяцкай царквы. З 1990-х гадоў дзейнічае.

Архітэктура

Помнік народнага дойлідства з элементамі архітэктуры класіцызму. Чатырохчасткавая падоўжна-восевая кампазіцыя складаецца са званіцы, бабінца, прамавугольнага зруба малітоўнай залы, трохграннай апсіды. Усе аб'ёмы вылучаны асобнымі гонтавымі дахамі: двухсхільны над асноўным аб'ёмам і бабінцам, вальмавым над апсідай, шатровым над званіцай. Франтон даха асноўнага аб'ёму завершаны макаўкай. Вертыкальна ашаляваныя сцены прарэзаны лучковымі аконнымі праёмамі.

Зала храма перакрыта драўляным цыліндрычным скляпеннем, якое абапіраецца на кансольныя выступы бакавых сцен. Над уваходам на 2 слупах размешчаны хоры. У храм прыхаджанамі вернуты цудатворны абраз «Маці Божая», які, паводле падання, з’явіўся тут у 1433 годзе.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• На Вікісховішчы ёсць медыяфайлы па тэме Царква Рызапалажэння Прасвятой Багародзіцы (Груздава)
• Царква Рызапалажэння Прасвятой Багародзіцы (Груздава) на сайце Праваслаўная архітэктура Беларусі (бел.)
• Царква Рызапалажэння Прасвятой Багародзіцы (Груздава) на сайце Radzima.org
• Царква Рызапалажэння Прасвятой Багародзіцы (Груздава) на сайце Глобус Беларусі (руск.)