Царква прападобнага Серафіма Сароўскага (Белаазёрск)

Царква ў імя святога вялебнага Серафіма Сароўскага — мураваны праваслаўны храм у горадзе Белаазёрск Бярозаўскага раёна Брэсцкай вобласці. Знаходзіцца ў цэнтры горада, на перакрыжаванні вуліц Леніна і Міру.

Праваслаўны храм
Царква прападобнага Серафіма Сароўскага
Царква ў гонар прападобнага Серафіма Сароўскага на паштовай марцы
52°28′22″ пн. ш. 25°10′13″ у. д.
Краіна	Беларусь
Горад	Белаазёрск
Канфесія	Праваслаўе
Епархія	Брэсцкая і Кобрынская епархія
Архітэктар	Леанід Васілевіч Макарэвіч
Будаўніцтва	1992—1995 гады
Стан	дзейнічае
Медыяфайлы на Вікісховішчы

Гісторыя

Пабудавана ў 1992—1995 гадах з цэглы паводле праекта архітэктара Л. В. Макарэвіча.

Архітэктура

Архітэктура храма вырашана ў стылізаваных формах старажытнарускага царкоўнага дойлідства. Уяўляе сабой цынтрычнае квадратнае ў плане збудаванне зграбных вертыкальна выцягнутых прапорцый, маляўнічага сілуэта, які фарміруе 5-купалле. Цэнтральны цыбулепадобны купал узняты на 8-гранны светлавы барабан, вуглавыя «апостальскія» купалы завяршаюць стройныя, узнятыя над фасадамі вежы. Архітэктурная выразнасць храма дасягаецца складаным рытмам высокіх арачных аконных праёмаў. Паменшанага маштабу прытвор і бакавыя прыдзелы таксама вырашаны трыма арачнымі прасламі, завершанымі макаўкамі. Уваходная высокая паперць аформлена кілепадобным казырком.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Царква прападобнага Серафіма Сароўскага (Белаазёрск) на сайце Глобус Беларусі (руск.)