Царква ў імя святога дабравернага князя Аляксандра Неўскага (Віцебск)

Царква ў імя святога дабравернага князя Аляксандра Неўскага — праваслаўны храм Віцебска. Знаходзіцца на плошчы 1000-годдзя Віцебска. Пабудавана ў 1996 г. з дрэва (архітэктар Я. Калбовіч) у час рэстаўрацыі Дабравешчанскай царквы, побач з ёй.

Праваслаўная царква
Царква ў імя святога дабравернага князя Аляксандра Неўскага
55°11′30″ пн. ш. 30°12′03″ у. д.
Краіна	Беларусь
Горад	Віцебск
Епархія	Віцебская і Аршанская епархія
Архітэктар	Я. Калбовіч
Дата заснавання	1996
Медыяфайлы на Вікісховішчы

Архітэктура

Вырашана ў стылі царкоўнай архітэктуры Рускай Поўначы (знак удзячнасці архітэктара людзям, якія апекаваліся аб ім у дзяцінстве). Ашаляваны прамавугольны ў плане зруб пераходзіць у 3-гранную апсіду. Вальмавы дах над ёй завершаны цыбулепадобнай галоўкай з лемехавым пакрыццём. Над 2-схільным дахам зруба малітоўнай залы ўрэзаны чацвярык з васьмерыком, за­вершаны высокім шатром з лемехавай галоўкай. Уваход вырашаны 2-схільнай навіссю з падкарнізнымі падзорамі.

У інтэр'еры на ветразях адкрыты светлавы бара­бан, над прытворам — хоры, адкрытыя невялікім арачным праёмам. Сцены і столь ашаляваны.

Літаратура

• Царква ў імя святога дабравер­нага князя Аляксандра Неўскага // Кулагін, А.М. Праваслаўныя храмы на Беларусі : энцыклапедычны даведнік / А.М. Кулагін. - Мн., 2007. - С. 80.