Цзянсі

Цзянсі́ — правінцыя на ўсходзе Кітая.

Цзянсі
кіт.: 江西省
Краіна	Кітай
Уваходзіць у	Кітай
Адміністрацыйны цэнтр	Наньчан
Кіраўнік	Ye Jianchun[d]
Насельніцтва	▲45 188 635 чал. (1 лістапада 2020)
Плошча	166 900 км²
Часавы пояс	UTC+8
Код ISO 3166-2	CN-JX
Афіцыйны сайт (кіт.)
Медыяфайлы на Вікісховішчы

Плошча 166,6 тыс. км². Насельніцтва 41,86 млн ч. (2001). Адміністрацыйны цэнтр — горад Наньчан.

Геаграфія

Унутраную частку займае нізінная раўніна ў басейне возера Паянху, па ускраінах — горныя хрыбты (Уішань, Цзюліншань, Муфушань). Галоўныя рэкі — Янцзы і Ганьцзян.

Клімат субтрапічны, мусонны. Сярэдняя тэмпература студзеня 4—10 °C, ліпеня 27—30 °C, ападкаў 1400—1700 мм за год.

Эканоміка

Асноўная галіна сельскай гаспадаркі — земляробства. Галоўная культура — паліўны рыс (па 2 ураджаі за год). Вырошчваюць таксама пшаніцу, ячмень, батат, бабовыя, чай, цытрусавыя і тэхнічныя культуры (бавоўнік, джут, рамі, тытунь, цукровы трыснёг, алейныя). Гадуюць свіней, буйную рагатую жывёлу, у т.л. буйвалаў. Птушкагадоўля. Рыбалоўства.

Здабыча вальфраму, свінцу, волава, цынку, медзі, малібдэну, марганцу, золата, урану, каменнага вугалю.

Прамысловасць: машынабудаванне (аўтамабілі, трактары, станкі), тэкстыльная, шкляная, фарфоравая (найбольшая ў Кітаі фабрыка ў г. Цзіндэчжэнь), папяровая, хімічная, харчовая.

Найбольшыя гарады: Наньчан, Цзіндэчжэнь, Цзюцзян, Ганьчжоў.

Суднаходства па возеры Паянху, рэках Янцзы і Ганьцзян.

Літаратура

• Цзянсі // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. С. 111.

Спасылкі

• На Вікісховішчы ёсць медыяфайлы па тэме Цзянсі