Чуўк (астравы)
Астравы Чуўк (англ.: Chuuk) — архіпелаг у складзе Каралінскіх астравоў. Да 1990 г. меў афіцыйную назву астравы Трук. Уваходзіць у склад дзяржавы Федэратыўныя Штаты Мікранезіі. Плошча сушы — 99,87 км², разам з лагунай — 2131,34 км².
| Чуўк | |
|---|---|
| англ. Chuuk | |
.JPG) Выгляд з космасу | |
| Характарыстыкі | |
| Агульная плошча | 99,87 км² |
| Найвышэйшы пункт | 443 м |
| Насельніцтва | 40 465 чал. (2000) |
| Шчыльнасць насельніцтва | 405,18 чал./км² |
| Размяшчэнне | |
| 07°26′ пн. ш. 151°51′ у. д.HGЯO | |
| Акваторыя | Ціхі акіян |
| Краіна | |
 Медыяфайлы на Вікісховішчы | |
Гісторыя правіць
Астравы былі населены каля 2 тысячагоддзяў таму. Да прыходу еўрапейцаў тут жыў мікранезійскі народ чуўк. На яго мове назва астравоў значыла «гара».
У XVI ст. астравы былі адкрыты іспанцамі, аднак ніякіх захадаў да іх каланізацыі яны не рабілі да 1885 г., калі было абвешчана аб анэксіі Каралінскіх астравоў. У 1899 г. Чуўк былі пераўтвораны ў калонію Германіі, а ў 1914—1944 гг. заняты Японіяй. Пасля II Сусветнай вайны мандат ААН на кіраванне астравамі і ўсёй Мікранезіяй як падапечнай тэрыторыяй атрымалі ЗША.
У 1986 г. астравы ўвайшлі ў штат Чуўк у складзе Федэратыўных Штатаў Мікранезіі.
Прырода правіць
Архіпелаг мае часткова вулканічнае, часткова каралавае паходжанне і фактычна ўяўляе сабой вялізарны атол, які ўключае 11 асноўных і 46 дробных астравоў. Плошча сушы — 99,87 км, разам з лагунай — 2131,34 км. Сталых наземных вадацёкаў амаль няма.
Клімат экватарыяльны. На працягу года сярэдняя тэмпература амаль не змяняецца і складае 30 — 31° С. Сярэднегадавая колькасць ападкаў — 3561 мм.
Раслінны і жывёльны свет значна зменены чалавекам. Пераважаюць культурныя насаджэнні какосавай пальмы, хлебнага дрэва, бананаў і інш. Часткова захаваліся мангравыя лясы. Шмат марскіх птушак.
Насельніцтва правіць
Насельніцтва — 40465 чал., у асноўным чуўк. Жывуць таксама выхадцы з ЗША, Філіпін і іншых краін.
Спасылкі правіць
- Даведнік для вандроўніка Архівавана 16 студзеня 2013.
- Чуўкскае таварыства аховы прыроды Архівавана 18 сакавіка 2019.
- Рай для нырцоў: Штат Чуўк Архівавана 26 сакавіка 2009.