Чыжоўскае вадасховішча
Чыжоўскае вадасховішча — вадасховішча на рацэ Свіслач (прыток Бярэзіны) у складзе Вілейска-Мінскай воднай сістэмы, працякае па тэрыторыыі жылых раёнаў Чыжоўка і Серабранка ў Мінску. Каля вадасховішча знаходзіцца праваслаўны храм у гонар іконы Божай Маці і побач храм, які будуецца, у гонар Георгія Перамоганосца, парк імя 900-годдзя г. Мінска і Парк імя Грэкавай. Па іншы бок ад дамбы Чыжоўскага вадасховішча размешчаны Мінскі заапарк.
| Чыжоўскае вадасховішча | |
|---|---|
 | |
| Каардынаты: 53°50′41″ пн. ш. 27°37′00″ у. д.HGЯO | |
| Упадаюць | Свіслач |
| Выцякаюць | Свіслач |
  Чыжоўскае вадасховішча |
|
 Чыжоўскае вадасховішча |
|
 Медыяфайлы на Вікісховішчы | |
Было створана ў 1951 годзе. Вадасховішча забяспечвае тэхнічнай вадой ЦЭЦ-3 і 16 прадпрыемстваў горада. Адхіленне ад праектнага рэжыму эксплуатацыі Чыжоўскага вадасховішча, а таксама нерэгламентаваны скід недастаткова ачышчаных сцёкавых вод прывялі да зніжэння вадаабмену, змены гідрахімічнага і цеплавога рэжымаў, павышэння канцэнтрацыі забруджвальных рэчываў.
Праектам рэканструкцыі прадугледжваецца магчымасць змены прызначэння вадасховішча — з тэхнічнага на культурна-бытавое, будзе дазволена купанне і лоўля рыбы. На ачыстку вадасховішча ў 2010 годзе было выдаткавана 6 млрд рублёў. Сумарны кошт ачысткі складзе да 100 млрд рублёў.[1]
У 2010 г. на вадасховішчы ўведзена ў строй малая ГЭС з двума гідраагрэгатамі сумарнай магутнасцю 260-300 кВт электраэнергіі[2].
Зноскі
- ↑ tut.by. Когда в Чижовском водохранилище разрешат купаться? Архівавана 12 чэрвеня 2011.
- ↑ tut.by. На Чижовском водохранилище в Минске начинает работу новая ГЭС Архівавана 10 ліпеня 2010.