Чырвоны тэрор у Іспаніі

Чырвоны тэрор (ісп.: Terror Rojo) у Іспаніі[1] ― назва, дадзенае гісторыкамі розных актаў гвалту, учыненых у перыяд грамадзянскай вайны ў Іспаніі левымі групоўкамі[2][3].

Правы ваенны путч, які адбыўся ў ліпені 1936 годзе, выклікаў рэакцыю з боку рэспубліканцаў. Ніводная вобласць, якая знаходзілася пад іх кантролем, не змагла пазбегнуць гвалту з боку рэвалюцыянераў і антыклерыкалаў, хоць у Краіне Баскаў ён быў мінімальным[4]. Падчас тэрору былі забіты дзясяткі тысяч людзей (у тым ліку 6832[5] каталіцкіх святара, пры гэтым пераважная большасць з іх загінула летам 1936 года, у пачатку баявых дзеянняў). Здзяйсняліся напады на буйных землеўладальнікаў, прамыслоўцаў, палітыкаў. Манастыры і цэрквы часта падвяргаліся апаганенню і спаленню[5].

У часы Другой Іспанскай Рэспублікі ў краіне вялікімі тэмпамі адбываўся працэс палітычнай палярызацыі: рознагалоссі паміж палітычнымі партыямі з часам станавіліся ўсё больш жорсткімі. Вялікае палітычнае значэнне мела і пытанне аб рэлігійнай ідэнтычнасці. Каталіцкая Царква ў Іспаніі стаяла на баку правых, якія выступалі супраць сацыяльных рэформаў[6]

У пачатку XXI стагоддзя каталіцкая царква беатыфікавала сотні ахвяр чырвонага тэрору. 28 кастрычніка 2007 года 498 чалавек было беатыфікавана падчас царкоўнай цырымоніі: гэта была найбуйнейшая беатыфікацыя ў гісторыі царквы[7].

Ацэнкі колькасці забітых падчас чырвонага тэрору вар’іруюцца ад 38 000[8] да 72 344[9] чалавек. Даследчык Пол Прэстан, выступаючы ў 2012 годзе на прэзентацыі сваёй кнігі «The Spanish Holocaust», заявіў, што іх колькасць складае крыху менш за 50 000 чалавек.

Зноскі

  1. Unearthing Franco's Legacy, Julian Casanova, pp. 105-106, University of Notre Dame Press, 2010 ISBN 0-268-03268-8
  2. Payne, Stanley G. A History of Spain and Portugal, Vol. 2, Ch. 26, p. 650 (Print Edition: University of Wisconsin Press, 1973) (Library of Iberian Resources Online, Accessed May 15, 2007). Архівавана з першакрыніцы 8 лістапада 2017.
  3. Beevor, Antony (2006), The Battle For Spain; The Spanish Civil War 1936-1939, p. 81 Weidenfeld and Nicholson
  4. Mary Vincent, The Splintering of Spain, pp. 70-71
  5. а б de la Cueva 1998, p. 355
  6. Mary Vincent, The Splintering of Spain, pp. 70-71
  7. 498 Spanish Civil War martyrs beatified at Vatican City - Catholic Online (17 лістапада 2007). Архівавана з першакрыніцы 17 лістапада 2007. Праверана 23 верасня 2016.
  8. Beevor, Antony.
  9. de la Cueva, Julio, "Religious Persecution", Journal of Contemporary History, 3, 198, pp. 355-369.