Чарасы

Чарасы
Краіна	Беларусь
Вобласць	Віцебская
Раён	Мёрскі
Сельсавет	Мёрскі
Каардынаты	55°37′31″ пн. ш. 27°42′52″ у. д.HGЯO
Першая згадка	1505
Насельніцтва	▲398 чал. (2009);
Часавы пояс	UTC+3
Тэлефонны код	+375 2152
Паштовы індэкс	211945
Аўтамабільны код	2
СААТА	2233821305
	Чарасы на Вікісховішчы

Чара́сы^[1] (трансліт.: Čarasy) — аграгарадок у Мёрскім раёне Віцебскай вобласці. Уваходзіць у склад Мёрскага сельсавета.

Каля аграгарадка знаходзяцца азёры Трубінец і Грэцкае, а таксама ў самім населеным пункце — возера Чэрас. Аграгарадок знахлдзіцца ў 6 км на ўсход ад Мёраў.

Назва правіць

Нарматыўная назва населенага пункта — Чарасы, таксама сустракаецца назва Чэрас і Чэрасы.

Гісторыя правіць

Першае згадванне населенага пункта — 1505 год. У часы Вялікага Княства Літоўскага Чарасы належалі Сапегам і Радзівілам і ўваходзілі ў склад Браслаўскага павета Віленскага ваяводства. Пасля Другога падзелу Рэчы Паспалітай Чарасы ўвайшлі ў склад Дзісенскага павета Віленскай губерні Расійскай імперыі.

Пад час Польска-літоўскай вайны, у кастрычніку 1920 года населены пункт занялі польскія войскі. У 1921 годзе, па Рыжскаму мірнаму дагавору, Чарасы ўвайшлі ў склад Дзісенскага павета Польскай рэспублікі. З 1926 года — у складзе Браслаўскага павета Віленскага ваяводства^[2].

Паводле звестак перапісу насельніцтва Польшчы 1921 года Чарасы засялялі:

У паселішчы — 116 чалавек; 26 чалавек былі каталікамі рымскага абраду і 90 — ПАПЦ. Пры гэтым 12 жыхароў адказалі на пытанне аб нацыянальнай прыналежнасці, што яны палякі, а 104 — беларусы. Тут было 16 двароў. У 1931 годзе ў 16 дварах пражывала 110 чалавек.
Вакол — 15 чалавек; 7 было каталікоў рымскага абраду, 3 ПАПЦ і 5 іўдзеяў. Пры гэтым 3 жыхары назвалі сабе палякамі, 7 — беларусамі і 5 — жыдамі. Тут было 3 двары. У 1931 годзе ў 3 дварах пражываў 31 чалавек.

Вернікі належалі да рыма-каталіцкага прыхода ў царкве Узнясення Найсвяцейшай Дзевы Марыі ў Мёрах і мясцовага праваслаўнага прыхода ў Свята-Мікалаеўскай царкве. Вёска падпарадкоўвалася Гродскаму суду ў Друі; Паштовае аддзяленне размяшчалася ў Мёрах.

У выніку акупацыі ўсходу Другой польскай рэспублікі камуністамі ў верасні 1939 года вёска таксама апынулася пад савецкай акупацыяй. 2 лістапада была ўключана ў склад БССР. З чэрвеня 1941 года пад нацысцкай акупацыяй. У 1944 годзе вёска была ўключана ў Полацкую вобласць БССР, і Чарасы сталі цэнтрам сельсавета.

У 1959 годзе Чарасаўскі сельсавет быў расфарміраваны, а населены пункт быў перададзены ў склад Якубаўшчынскага сельсавета. З 1991 года Чарасы апынуліся ў складзе Мёрскага раёна Віцебскай вобласці незалежнай Беларусі. У 1992 годзе Якубаўшчынскі сельсавет быў перайменаваны ў Чараскі сельсавет, але 8 красавіка 2004 года сельсавет быў скасаваны, а яго тэрыторыя ўвайшла ў склад адноўленага Мёрскага сельсавета.

У 2018 годзе Чарасы былі газіфікаваны.

Насельніцтва правіць

1921 год — 131 жыхар, 19 двароў^[3].
1931 год — 141 жыхар, 19 двароў^[4].
2009 год — 398 жыхароў.

Інфраструктура правіць

Аграфірма «Чарасы»
Дзіцячы сад
Бібліятэка
1 завулак
6 вуліц

Славутасці правіць

Свята-Мікалаеўская царква (1885—1886 гады) (і комплекс з домам святара, могілкамі і царкоўнай школай канца XIX — пачатку XX стагоддзяў) — Гісторыка-культурная каштоўнасць Беларусі, шыфр 213Г000570шыфр 213Г000570.

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Чэ́расы.
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 43.
↑ Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s. 41.
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 7.

Літаратура правіць

Czeress, folwark i dobra, powiat dzisieński, gmina Czeress // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo (польск.). — Warszawa, 1900. — S. 364.

Спасылкі правіць

На Вікісховішчы ёсць медыяфайлы па тэме Чарасы

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Чэ́расы.

[2] Wykaz miejscowości Rzeczypospolitej Polskiej, Warszawa 1938, wolumin — 1, s. 43.

[skorowidz2-3] Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s. 41.

[4] Wykaz miejscowości Rzeczypospolitej Polskiej, Warszawa 1938, wolumin — 1, s. 7.

[1]

[2]

[3]

[4]