Шарль дэ Лафос
Шарль дэ Лафос, або дэ Ла Фос (фр.: Charles de La Fosse; 15 чэрвеня 1636, Парыж — 13 снежня 1716, Парыж) — французскі мастак; вучань Лебрэна.
| Шарль дэ Лафос | |
|---|---|
| фр.: Charles de La Fosse | |
 | |
| Дата нараджэння | 15 чэрвеня 1636[1][2][…] |
| Месца нараджэння | |
| Дата смерці | 13 снежня 1716[4][5][…] (80 гадоў) |
| Месца смерці | |
| Грамадзянства | |
| Род дзейнасці | мастак, рысавальнік |
| Вучоба | |
| Уплыў | Шарль Лебрэн |
| Уплыў на | Антуан Пэн, Шарль Парасель[d] і Peter Berchet[d] |
 Медыяфайлы на Вікісховішчы | |
Жыццё і творчасць правіць
Яшчэ ў дзяцінстве Шарль дэ Лафос паступае ў вучні ў майстэрню мастака Шарля Лебрэна і ў 1650-х гадах займаецца разам са сваім настаўнікам афармленнем духоўнай семінарыі Сен-Сюльпіс і атэля Ламбер у Парыжы. У 1658—1663 гадах Лафос, па парадзе Лебрэна, падарожнічае па Італіі, жыве ў Рыме, Парме і Венецыі, дзе вывучае творчасць старых майстроў.
Пасля вяртання на радзіму Лафос, пры дапамозе Лебрэна, атрымлівае замовы па мастацкім афармленні палацаў Цюільры і Версаля. У 1673 годзе, пасля прадстаўлення ім свайго палатна Выкраданне Празерпіны, дэ Лафос прымаецца ў члены Каралеўскай акадэміі мастацтва і скульптуры, з 1674 ён — прафесар і выкладае ў парыжскай Школе вытанчаных мастацтваў. У 1689—1692 гадах мастак жыве ў Англіі і па заказу лорда Мантэгю займаецца інтэр’ерам яго лонданскага палаца на Блумсберы-сквер. У 1707 годзе дэ Лафос становіцца дырэктарам Акадэміі, і з 1715 — яе канцлерам.
Найбольш вядомымі працамі Лафоса з’яўляецца яго роспіс столі ў Доме інвалідаў («Св. Людовік, які складае з сябе меч да ног Збавіцеля») у Парыжы і фрэскі капэлы Версальскага палаца. Многія палотны ім былі напісаны для розных цэркваў, манастыроў і палацаў свецкай знаці. У працах гэтага мастака адчуваецца ўплыў венецыянскай школы жывапісу.
Яго вучнем быў французскі мастак-баталіст Шарль Парасель.
Галерэя правіць
-
Узыход сонца разам з калясніцай Апалона (1672) -
Пакутуючая Клітыя (1688) -
Сям'я Дарыя перад Аляксандрам Вялікім -
Прынясенне ў ахвяру Іфігеніі (1672) -
Парыж, купал Дому інвалідаў
Зноскі
- ↑ Charles de Lafosse // RKDartists Праверана 9 кастрычніка 2017.
- ↑ Charles La Fosse // Brockhaus Enzyklopädie Праверана 9 кастрычніка 2017.
- ↑ Union List of Artist Names — 2017. Праверана 11 кастрычніка 2018.
- ↑ Charles de Lafosse
- ↑ Charles de Lafosse — OUP, 2006. — ISBN 978-0-19-977378-7
- ↑ Bibliothèque nationale de France data.bnf.fr: платформа адкрытых даных — 2011. Праверана 5 красавіка 2023.
- ↑ artist list of the National Museum of Sweden — 2016. Праверана 25 лютага 2016.
Літаратура правіць
- «Dictionnaire de la peinture française Larousse», Paris, 1989, korrigierte Auflage 1991, Librairie Larousse, ISBN 2-03-740011-X.
Спасылкі правіць
На Вікісховішчы ёсць медыяфайлы па тэме Шарль дэ Лафос
