Школа № 2 імя В. М. Калеснікава (Рагачоў)
Школа № 2 імя В. М. Калеснікава[1] — сярэдняя навучальная ўстанова, якая знаходзіцца ў Рагачове па адрасе вул. Цымермана, 36.
| Школа № 2 імя В. М. Калеснікава | |
|---|---|
.jpg) | |
| Заснавана | 1945 |
| Тып | сярэдняя школа |
| Адрас | Рагачоў, вул. Цымермана, 36 |
Будынак правіць
.jpg)
Школа знаходзіцца ў будынку, якое пабудавалі адмыслова для Рагачоўскага рэальнага вучылішча на грошы мецэната Васіля Васільевіча Іолшына і яго жонкі Варвары Аляксееўны ў 1903—1907 гадах[1]. Гэта быў двухпавярховы каменны будынак ў неакласічным стылі. На другім паверсе размяшчалася дамавая царква. Раней чым у іншых будынках Рагачова тут з’явілася сістэма паравога ацяплення, а ваду пераганялі з калодзежа ў памяшканні з дапамогай электрычнасці[2].
У пачатку Вялікай Айчыннай вайны пабудова была спаленая, але яе аднавілі ў 1950-х[2].
У першыя дзесяцігоддзі савецкай улады тут месціліся педагагічны тэхнікум і настаўніцкі інстытут, а пасля вызвалення ад акупантаў тут размясцілася школа № 2, якая цяпер носіць імя В. М. Калеснікава[1].
Будынак, які з’яўляецца адной з нямногіх дарэвалюцыйных пабудоў у Рагачове[2], унесены ў спіс гісторыка-культурных каштоўнасцей РБ — 
Гісторыка-культурная каштоўнасць Беларусі, шыфр 313Г000592.
Дырэктары школы правіць
- Аляксандр Гаўрылавіч Цыкуноў (1944—1953)
- Іван Рыгоравіч Шышла (1953—1984)
- Сяргей Антонавіч Арцёмішын (1984—2013)
Вядомыя выпускнікі правіць
- Віталь Міхайлавіч Калеснікаў — удзельнік Вялікай Айчыннай вайны, Герой Савецкага Саюза
- Міхаіл Міхайлавіч Дзятлаў — доктар медыцынскіх навук, член Акадэміі медыка-тэхнічных навук Расійскай Федэрацыі, заслужаны ўрач Рэспублікі Беларусь
- Іван Фёдаравіч Харламаў — доктар педагагічных навук, прафесар, акадэмік Нацыянальнай акадэміі навук Беларусі, заслужаны член Расійскай акадэміі адукацыі, лаўрэат Дзяржаўнай прэміі
- Павел Андрэевіч Цімашэнка — доктар медыцынскіх навук, прафесар, загадчык кафедры оталарынгалогіі Мінскага дзяржаўнага медыцынскага інстытута
- Алег Іванавіч Тужыкаў — доктар хімічных навук спецыяліст у галіне тэхналогій высокамалекулярных і валакністых злучэнняў
- Эдуард Іванавіч Старавойтаў — доктар фізіка-матэматычных навук
- Анатоль Іванавіч Дзядкоў — палкоўнік авіяцыі, касманаўт-выпрабавальнік[3]
- Міхаіл Апанасавіч Дзмітрыеў — Герой Сацыялістычнай Працы, заслужаны настаўнік БССР, кандыдат педагагічных навук
- Дзмітрый Уладзіміравіч Паладзенка — дыпламат
- Віктар Уладзіміравіч Паладзенка — кандыдат педагагічных навук спартыўны суддзя міжнароднай катэгорыі па гандболе
- Рыгор Сямёнавіч Кікоін — хірург, загадчык кафедры 4-й клінічнай бальніцы
- Анатоль Уладзіміравіч Мікалаенка — доктар тэхнічных навук
- Уладзімір Ільіч Паладзенка — лаўрэат першай Іолшынскай прэміі (1992), мастак, рагачоўскі краязнаўца Уладзімір Ільіч Паладзенка
Зноскі
- ↑ а б в Сусвет гісторыі — на пятачку жыцця(недаступная спасылка). Архівавана з першакрыніцы 20 мая 2022. Праверана 24 жніўня 2018.
- ↑ а б в ЗДАНИЕ РЕАЛЬНОГО УЧИЛИЩА В РОГАЧЕВЕ (СРЕДНЯЯ ШКОЛА № 2) Архівавана 2 сакавіка 2021. (руск.)
- ↑ Анатолий Иванович Дедков (руск.)