Шыраканоска ці качка-лапаноска (Anas clypeata) — шырока распаўсюджаная вадаплаўная птушка сямейства качыных. Гняздуе ва ўмераным клімаце Еўразіі і Паўночнай Амерыкі. Пералётная на ўсім працягу арэала. З'яўляецца аб'ектам спартыўнага і прамысловага палявання.
Даўжыня цела 42—46 см, маса 0,5—1,1 кг. Апярэнне ў самца яркае; галава, шыя і дзюба чорныя, валляк і грудзі белыя, бруха ржава-карычневае, крылы шыза-блакітныя з блакітна-зялёным «люстэркам». Самка зверху цёмна-бурая, знізу ружая. Дзюба масіўная, вельмі шырокая (адсюль назва). Нясе 7—12 яек.
