Эдуард Анатолевіч Чудноўскі

Эдуард Чудноўскі
Эдуард Чудноўскі
Поўнае імя	Эдуард Анатолевіч Чудноўскі
Нарадзіўся	3 студзеня 1991 (34 гады); Мінск, БССР, СССР;
Грамадзянства	Беларусь
Рост	180 см
Вага	71 кг
Пазіцыя	паўабаронца
Маладзёжныя клубы
	Фартуна (Мінск)
	БАТЭ-РМ
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;

Эдуард Чудноўскі (нар. 3 студзеня 1991, Мінск) — беларускі футбаліст, паўабаронца.

Клубная кар’ера

Выхаванец прыватнай сталічнай футбольнай школы «Фартуна». Там ён займаўся да 14 гадоў, пасля чаго перайшоў у БАТЭ-РМ. Каманда 1991 года нараджэння, якую ўзначальваў Вадзім Мурсалаў, неаднаразова займала высокія месцы ў юнацкім чэмпіянаце Беларусі. Чудноўскі, які выступаў на пазіцыі «пад нападнікам», і яго партнёры, у ліку якіх былі Раман Сцяпанаў, Кірыл Алексіян і Алег Патоцкі, два разы заваявалі срэбра і аднойчы — бронзу. І даволі вялікай групай перабраліся ў дубль барысаўскага БАТЭ пад кіраўніцтва трэнера Дзмітрыя Шаўчука.

Там Чудноўскі правёў чатыры сезоны і дзейнічаў не толькі ў цэнтры поля, але і на левым флангу паўабароны. Эдуард запомніўся выкананнем «стандартаў», уменнем разагнаць атаку, аддаць разумную перадачу, прабіць здалёк. У 2011 годзе ён стаў пераможцам першынства Беларусі сярод дублюючых складаў, згуляўшы ў 32 матчах з 33.

За асноўную каманду БАТЭ Чудноўскі правёў два паядынкі ў Кубку Беларусі 2011/12. Ён выхадзіў на замены ў канцы сустрэч з «Гарадзеяй» і брэсцкім «Дынама». У пачатку наступнага года было прынята рашэнне аддаць футбаліста ў арэнду. У такім статусе ён паспеў пагуляць за магілёўскі «Дняпро», слонімскі «Белтрансгаз» і пінскую «Хвалю».

У 2014 годзе пакінуў БАТЭ ў якасці свабоднага агента. У канцы лютага перайшоў у ерэванскі «Арарат»^[2]. Аднак у армянскім клубе Чудноўскі прабыў зусім нядоўга і вярнуўся назад у беларускі чэмпіянат, перайшоўшы ў «Клецк».

У пачатку 2015 года падпісаў кантракт з футбольным клубам «Ліда». Стаў адным з лідараў каманды, правёў усе 30 матчаў у сезоне 2015. У пачатку 2016 года перайшоў у «Смаргонь», дзе таксама быў іграком асновы. У першай палове 2018 года згуляў за «Смаргонь» толькі ў чатырох матчах і ў ліпені пакінуў каманду, неўзабаве пасля гэтага папоўніў склад «Оршы». Па заканчэнні сезона 2018 пакінуў аршанскі клуб.

У пачатку 2019 года стаў трэніравацца з «Маладзечна», у красавіку афіцыйна далучыўся да складу каманды, выступаў у яе складзе да лета.

Міжнародная кар’ера

У 2010 годзе згуляў у трох матчах за малодшую моладзевую зборную Беларусі (да 20 гадоў).

Крыніцы

↑ Eduard Chudnovskiy // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>
↑ Футбол. Эдуард Чудновский пополнил ереванский "Арарат" (руск.)(недаступная спасылка). pressball.by (26 лютага 2014). Архівавана з першакрыніцы 24 верасня 2015.

Спасылкі

Чудновский Эдуард (руск.)(недаступная спасылка). Афіцыйны сайт «Ліды». Архівавана з першакрыніцы 17 ліпеня 2018.

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

[national-3] Колькасць гульняў і галоў за нацыянальную зборную ў афіцыйных матчах

[_148ec939e107b9cd-1] Eduard Chudnovskiy // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[4] Футбол. Эдуард Чудновский пополнил ереванский "Арарат" (руск.)(недаступная спасылка). pressball.by (26 лютага 2014). Архівавана з першакрыніцы 24 верасня 2015.

[1]

[* 1]

[* 2]

[2]