Энергетычны факультэт БНТУ

Энергетычны факультэт (ЭФ БНТУ) — адзін з факультэтаў Беларускага нацыянальнага тэхнічнага ўніверсітэта.

Энергетычны факультэт
Беларускі нацыянальны тэхнічны ўніверсітэт
Заснаваны	1920
Дэкан	Яўген Генадзевіч Панамарэнка
Адрас	Мінск, праспект Незалежнасці, 65/2
bntu.by/ef.html

Гісторыя

Гісторыя энергетычнага факультэта пачынаецца ў 1920 годзе са стварэннем Беларускага політэхнічнага інстытута. Адным з факультэтаў створанага інстытута быў электратэхнічны факультэт, які з’яўляецца папярэднікам энергетычнага факультэта. Факультэт быў створаны для падрыхтоўкі кадраў для рэалізацыі плана ГОЭЛРО.

У 1973 годзе з энергетычнага факультэта быў выдзелены факультэт прамысловай энергетыкі. У 1978 годзе энергетычны факультэт быў зноў падзелены на два факультэты — электратэхнічны і цеплаэнергетычны. У 1986 годзе тры факультэты аб’ядноўваюцца ў адзін пад назвай энергетычны.

Склад факультэта

Факультэт мае ў сваім складзе наступныя кафедры:

• Прамысловая цеплаэнергетыка і цеплатэхніка
• Цеплавыя электрычныя станцыі
• Эканоміка і арганізацыя энергетыкі
• Электразабеспячэнне
• Электратэхніка і электроніка
• Электрычныя сістэмы
• Электрычныя станцыі

Дэканы

• Віктар Макаравіч Ільін (1971)
• Юрый Адамавіч Малевіч (да 1976)
• Анатоль Аркадзьевіч Мазурэнка (1976—1986)
• Мар’ян Іванавіч Стралюк (1986—1987)
• Сцяпан Макаравіч Сілюк (1987—2013)
• Кірыл Віктаравіч Дабрэга (2013—2018)
• Яўген Генадзевіч Панамарэнка (з 2018)

Спасылкі

• Энергетычны факультэт БНТУ на сайце БНТУ