Энстатыт

Энстаты́т Mg₂[Si₂O₆] — пародаўтваральны мінерал, адносіцца да сілікатаў (піраксены).

Энстатыт
Формула	Mg2[Si2O6]
Сінгонія	Рамбічная
Колер	Белы, жаўтавата-зялёны, карычнева-шэры, шэры
Колер рысы	Шэрая
Бляск	Шкляны
Празрыстасць	Ад які прасвечвае да непразрыстага
Цвёрдасць	5,5
Спайнасць	Сярэдняя
Шчыльнасць	3,1—3,3 г/см³

Назва мінерала паходзіць ад стар.-грэч. ἐνστάτης (энстатэс) «супернік», «той, хто супраціўляецца», што звязана з устойлівасцю энстатыта да плаўлення. У няправільных зернях з упэўненасцю можа быць вызначаны толькі ў тонкіх шліфах пад мікраскопам па аптычных канстантах. Ад монаклінных піраксенаў адрозніваецца па прамым вугле згасання.

Утрымлівае 40,4 % аксіду магнію. У выпадку замяшчэння больш за 13 % магнію жалезам пераходзіць у ферасіліт, бранзіт і гіперстэн. Пад уздзеяннем гідратэрмальных раствораў пераўтвараецца ў тальк і серпенцін.

• Цвёрдасць 5—6
• Удзельная вага 3,1—3,2
• Спайнасць сярэдняя
• Залом ракавісты
• Колер бескаляровы, светла пафарбаваны ў шэрыя, бураватыя, бледна-зеленаватыя адценні.

Распаўсюджаны ў прыродзе вельмі шырока.

Літаратура

• Беларуская энцыклапедыя: У 18 т. Т. 18. Кн. 1.: Дадатак: Шчытнікі — ЯЯ / Рэдкал.: Г. П. Пашкоў і інш.. — Мн.: БелЭн, 2004. — Т. 18. — С. 131. — 472 с. — 10 000 экз. — ISBN 985-11-0295-4 (Т. 18. Кн. 1.).

Спасылкі

• Энстатит (руск.)  — артыкул з Вялікай савецкай энцыклапедыі
• Інфармацыя на сайце «Каталог Минералов»(руск.)