Эрых Хонекер

Эрых Хонекер (ням. Erich Honecker, 25 жніўня 1912, Нойнкірхен — 29 мая 1994, Сант’яга-дэ-Чылі) — нямецкі палітычны дзеяч, шматгадовы кіраўнік Германскай Дэмакратычнай Рэспублікі (1971-1989 гг.), Генеральны сакратар САПГ і Дзяржсавета ГДР, Герой ГДР (1987), Герой Савецкага Саюза (1982).

Эрых Хонекер
Erich Honecker
2-і Першы (з 1976 Генеральны) сакратар САПГ 3 мая 1971 — 18 кастрычніка 1989
Папярэднік	Вальтэр Ульбрыхт
Пераемнік	Эган Крэнц
3-і старшыня Дзяржаўнага савета ГДР 29 кастрычніка 1976 — 18 кастрычніка 1989
Папярэднік	Вілі Штоф
Пераемнік	Эган Крэнц
Нараджэнне	25 жніўня 1912(1912-08-25) Нойнкірхен, Рэйнская правінцыя, Германская імперыя
Смерць	29 мая 1994(1994-05-29) (81 год) Сант’яга, Чылі
Месца пахавання	Агульныя могілкі Сант'яга[d]
Імя пры нараджэнні	ням.: Erich Ernst Paul Honecker
Бацька	Вільгельм Хонекер
Жонка	1) Эдзіт Баўман 2) Маргат Файст
Дзеці	дочкі: Эрыка (ад 1-га шлюбу) Соня (ад 2-га шлюбу)
Веравызнанне	атэізм
Партыя	1) КПГ (1930—1946) 2) САПГ (з 1946)
Член у	Цэнтральны камітэт САПГ[d]
Адукацыя	Міжнародная ленінская школа
Дзейнасць	палітык, аўтабіёграф, змагар Супраціўлення
Аўтограф
Узнагароды	ГДР: СССР:
Медыяфайлы на Вікісховішчы

Біяграфія

Хонекер нарадзіўся 25 жніўня 1912 года ў мястэчку Вібельскірхен, акруга Нойнкірхен у вобласці Саар, у сям'і гарняка.

У 1926 годзе ўступіў у Камуністычны саюз моладзі Германіі. У 1930 годзе вучыўся ў Маскоўскай міжнароднай ленінскай школе. Прымаў удзел у будаўніцтве Магнітагорскага металургічнага камбіната ў складзе інтэрнацыянальных працоўных брыгад. У тым жа годзе ўступіў у Камуністычную партыю Германіі. Ён вярнуўся ў Германію ў 1931 г. і ў 1937 годзе быў прысуджаны да 10 гадоў зняволення ў канцлагеры. Хонекер быў вызвалены з турмы Брандэнбурга толькі ў 1945 годзе.