Вікіпедыя

Эшлі Коўл

Э́шлі Коўл (англ.: Ashley Cole; нар. 20 снежня 1980, Стэпні, Лондан, Англія) — былы англійскі футбаліст, левы абаронца. Ігрок нацыянальнай зборнай Англіі (2001—2014), разам з якой шмат разоў удзельнічаў на чэмпіянатах свету і Еўропы. Вядомы, перш за ўсё, дзякуючы выступам за лонданскія «Арсенал» і «Чэлсі».

Футбол
Эшлі Коўл
ACole.JPG
Агульная інфармацыя
Нарадзіўся 20 снежня 1980(1980-12-20)[1][2][…] (41 год)
Грамадзянства Flag of England.svg Англія
Рост 176 см
Вага 66 кг
Пазіцыя левы абаронца
Інфармацыя пра клуб
Клуб завяршыў кар’еру
Маладзёжныя клубы
1997—1998 Англія Арсенал
Клубная кар’ера[* 1]
1998—2006 Англія Арсенал 156 (8)
1999—2000 →  Англія Крыстал Пэлас 14 (1)
2006—2014 Англія Чэлсі 229 (7)
2014—2015 Італія Рома 11 (0)
2016—2018 Злучаныя Штаты Амерыкі Лос-Анджэлес Гэлаксі 86 (3)
2019 Англія Дэрбі Каўнці 9 (0)
Нацыянальная зборная[* 2]
1999 Англія Англія (да 20) 2 (0)
2002 Англія Англія (да 21) 4 (1)
2001—2014 Англія Англія 107 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 жніўня 2019.
  2. ↑ Колькасць гульняў і галоў за нацыянальную зборную ў афіцыйных матчах
Commons-logo.svg Эшлі Коўл на Вікісховішчы
У Вікіпедыі ёсць артыкулы пра іншых асоб з прозвішчам Коўл.

БіяграфіяПравіць

З юнацкага ўзросту гуляў у «Арсенале». Пачынаў у якасці нападніка, першы матч за асноўную каманду згуляў 30 лістапада 1999 года супраць «Мідлсбра». Заключыў прафесійны кантракт 25 лютага 2000 года. Для атрымання гульнявой практыкі быў аддадзены ў арэнду ў клуб «Крыстал Пэлас», дзе згуляў 14 матчаў і забіў 1 гол і дапамог клубу захаваць месца ў лізе. Пасля траўмы асноўнага левага абаронцы «Арсенала» Сілвінью ўвосень 2000 года быў пастаўлены на яго месца. Паказваючы выдатную гульню, выцесніў бразільца з асноўнага складу.

У 2005 годзе Коўл быў абвінавачаны ў тым, што дамаўляецца аб пераходзе ў іншы клуб без апавяшчэння кіраўніцтва «Арсенала». Камісія Прэм'ер-Лігі прызнала яго віну і 2 чэрвеня 2005 года аштрафавала на £100 000 за сустрэчу ў адной з лонданскіх гасцініц з Жазэ Маўрынью. Пададзеная ў жніўні апеляцыя была адхілена, але памер штрафу паменшылі да £75 000. Таксама за гэты інцыдэнт былі аштрафаваны клуб «Чэлсі» і сам Жазэ Маўрынью на сумы ў £300 000 і £200 000 (паменшаная да £75 000) адпаведна.

Нягледзячы на жаданне пакінуць «Арсенал», Коўл падпісаў новы кантракт 18 ліпеня 2005 года з зарплатай каля £70 000 у тыдзень. 31 жніўня 2006 годзе перайшоў у «Чэлсі» ў абмен на абаронцу Вільяма Галаса з даплатай у £5 млн.

7 ліпеня 2014 года Коўл падпісаў двухгадовы кантракт з «Ромай»[4][5]. Аднак замацавацца ў аснове рымскага клуба не здолеў. Улетку 2015 года галоўны трэнер рымлян Рудзі Гарсія абвясціў, што больш не разлічвае на Коўла, і той не быў уключаны ў заяўку на сезон, але застаўся ў клубе. 19 студзеня 2016 года Коўл афіцыйна разарваў кантракт з «Ромай»[6].

27 студзеня 2016 года было абвешчана аб пераходзе Коўла ў амерыканскі клуб «Лос-Анджэлес Гэлаксі»[7]. У студзені 2019 года вярнуўся ў Англію, стаўшы іграком клуба «Дэрбі Каўнці»[8], які ўзначальваў былы партнёр Коўла па «Чэлсі» Фрэнк Лэмпард. Пакінуў каманду па заканчэнні сезона 2018/19.

У жніўні 2019 года абвясціў аб завяршэнні кар’еры[9].

ДасягненніПравіць

«Арсенал»:

«Чэлсі»:

Зноскі

  1. ↑ Ashley Cole // SNAC — 2010. Праверана 9 кастрычніка 2017.
  2. ↑ Ashley Cole // Transfermarkt — 2000. Праверана 9 кастрычніка 2017.
  3. ↑ Ashley Cole // FBref.com
  4. ↑ Ashley Cole: Roma sign former Chelsea defender on two-year deal. BBC Sport
  5. ↑ Ashley Cole signs two-year contract to join Roma. The Guardian
  6. ↑ Эшли Коул расторг контракт с «Ромой». by.tribuna.com
  7. ↑ Эшли Коул подписал контракт с "Лос-Анджелес Гэлакси". football.by
  8. ↑ Эшли Коул подписал контракт с «Дерби» Лэмпарда. by.tribuna.com
  9. ↑ 38-летний Эшли Коул объявил о завершении карьеры. by.tribuna.com

СпасылкіПравіць

Узята з "https://be.wikipedia.org/w/index.php?title=Эшлі_Коўл&oldid=3845216"