Юрась Барысевіч, Юрый Мікалаевіч Барысевіч (нар. 13 красавіка 1966, Мінск) — беларускі эсэіст, перакладчык і мастак.

Юрась Барысевіч
Асабістыя звесткі
Дата нараджэння 13 красавіка 1966(1966-04-13) (54 гады)
Месца нараджэння
Альма-матар
Прафесійная дзейнасць
Род дзейнасці эсэіст, мастак, перакладчык, пісьменнік
Мова твораў беларуская

БіяграфіяПравіць

Скончыў Мінскі дзяржаўны лінгвістычны ўніверсітэт (1990), аспірантуру па выяўленчаму мастацтву пры Нацыянальнай Акадэміі навук.

Працаваў перакладчыкам, карэспандэнтам БелТА, рэдактарам у НВА «Інтэграл», газеце «Культура», Мінскім інстытуце кіравання, часопісах «Мастацтва» (з 1996 — загадчык аддзела, у 1998-? — адказны сакратар) і «The Green Cross Optimist».

Член БАЖ і Саюза беларускіх пісьменнікаў, удзельнік мастацкіх суполак «Другі фронт мастацтваў», «Schmerzwerk», «pARTisan». Адзін з заснавальнікаў і тэарэтыкаў («камісараў») авангарднай суполкі «Бум-Бам-Літ». Займаецца даследчыцкай і перакладчыцкай працай, жывапісам і перформансам.

ТворчасцьПравіць

ЛітаратураПравіць

Аўтар кніг пра сучаснае мастацтва і літаратуру 1990-х «Цела і тэкст» (1998) і «Аванпост», зборніка філасофскіх тэкстаў «Alter Nemo» (2003), эсэ пра балет, жывапіс, тэатр, кінематограф, камп'ютарную графіку, тэкстаў у зборніках «Анталогія беларускага інтэлектуалізму», «Лінія фронту / Frontlinie», «Тазік беларускі», «Медыі і камунікацыі», літаратурным аўдыёальбоме «Тазікі». Некаторыя тэксты перакладаліся на польскую, славенскую, англійскую, украінскую, латышскую, нямецкую мовы. Перакладае мастацкія тэксты з французкай, англійскай, польскай і нямецкай. Пераклаў на французскую мову санеты Янкі Купалы. Прадстаўляў Беларусь на міжнародным літаратурным фестывалі Vilenica (Славенія, 2005).

МастацтваПравіць

Юрась Барысевіч — удзельнік мастацкіх выстаў «Панарама» (Мінск, 1988), «Art-прагноз» (галерэя «У Пушкіна», Віцебск, 1996), «Востры рэцыдыў дэкадансу» (Познань, Польшча, 1997), «Час. Прастора. Асоба» і «Новыя імёны» (Нацыянальная мастацкая галерэя, Мінск, 1998; 2000), «Насценныя афрыкозы» (Дом літаратара, 1999), «Скрозь шкло» (Нацыянальная бібліятэка Беларусі, 1999), Lit-Art (Нацыянальны мастацкі музей, 2000), «Новае мастацтва Беларусі» (Цэнтр сучаснага мастацтва, Варшава, Польшча, 2000), pARTisan-art (Клермон-Феран, Францыя, 2003), «Блазны» (Дзяржаўны музей гісторыі беларускай літаратуры, 2003), «Апошні позірк» (Мінскі інстытут кіравання, 2004), «Універсум» (галерэя «Універсітэт культуры», 2005), Terytoria (Гарадскі цэнтр культуры, Люблін, Польшча, 2006). Чытаў лекцыі па сучасным беларускім мастацтве ў Варшаўскім універсітэце, Любліне і Беластоку.

Міжнародныя фестывалі мастацтва перформансу, у якіх браў удзел Барысевіч: «Нутраная Амерыка» (вёска Амерыка ў Магілёўскай вобл., 1996), «Дзень муміфікатара» (Мінск, Гомель, Брэст, 2000), «1948» (Рыга, Латвія, 2001), «Інтэракцыі» (Пётркаў-Трыбунальскі, Польшча, 2001), «Нефармат» (Мінск, 2002, 2004, 2005), «Навінкі» (Мінск, Нацыянальная мастацкая галерэя і Дзяржаўны музей сучаснага выяўленчага мастацтва, 1999, 2001—2007), Performance Art Meeting (Люблін, Польшча, 2005), Roznice (Плоцк-Варшава, Польшча, 2006), «Дні містецтва перформансу у Киеві» (2006).

ПрызнаннеПравіць

  • Лаўрэат прэміі Саюзу беларускіх пісьменнікаў за лепшае эсэ на тэму «Вобраз ХХІ стагоддзя» («Развітанне з Адамам»).
  • У складзе суполкі Бум-Бам-Літ адзначаны прэміяй Саюзу беларускіх мастакоў «За неардынарную падачу сваёй творчасці».

Зноскі

ЛітаратураПравіць

  • Барысевіч Юрась // Выдавецтва «Галіяфы»: Афіцыйны сайт — Эл.рэсурс goliafy.com;
  • Купала Я. Санеты. — Мн.: Мастацкая літаратура, 2002.