Юрый Віктаравіч Тышкевіч

Юрый Віктаравіч Тышкевіч (8 сакавіка 1929(1929-03-08), Менск — 27 кастрычніка 1983(1983-10-27)) — беларускі мастак-графік.

Юрый Віктаравіч Тышкевіч
Дата нараджэння	8 сакавіка 1929(1929-03-08)
Месца нараджэння	Менск, Менская акруга, БССР, СССР
Дата смерці	27 кастрычніка 1983(1983-10-27) (54 гады)
Род дзейнасці	графік
Жанр	станковая графіка
Вучоба	Мінскае мастацкае вучылішча (1950) Беларускі дзяржаўны тэатральна-мастацкі інстытут (1960)
Член у	Беларускі саюз мастакоў

Біяграфія

Скончыў Мінскае мастацкае вучылішча (1950), Беларускі дзяржаўны тэатральна-мастацкі інстытут (1960).

Член Беларускага саюза мастакоў з 1970 года.

Творчасць

Працаваў у розных тэхніках і жанрах станковай графікі (каляровай і чорна-белай лінагравюры, аўталітаграфіі, афорта і інш.). Творы вызначаюцца яркай вобразнасцю, лаканічнасцю кампазіцыйных рашэнняў, дакладнасцю і выразнасцю ліній: «Магілёўская шаша» (1959), «Красавіцкае сонца» (1960), «Кастрычнік» (1962), «Праталіны» (1964), «Хата Я. Купалы» (1974), «Беларускія далі» (1980), «Дарогамі Беларусі» (1982) і інш. Аўтар серый: «Цаліна індустрыяльная» (1964), «Мужнасць» (1967), «На радзіме Я. Купалы» (1968), «Гарады і гады» (1968—69), «Мой горад Мінск» (1970—73), «Беларускі трактарны» (1980), трыпціха «Белая бяроза» (1966).

Літаратура

• Тышкевіч Юрый Віктаравіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 86. — 10 000 экз. — ISBN 985-11-0035-8. — ISBN 985-11-0263-6 (т. 16).