Юрый Назаравіч Сацкоў

Юрый Назаравіч Сацко́ў (руск.: Юрий Назарович Сотсков; 1 студзеня 1948) — вучоны, матэматык, спецыяліст у галіне матэматычнай кібернетыкі, доктар фізіка-матэматычных навук (1991), прафесар (1994).

Юрый Назаравіч Сацкоў
руск.: Юрий Назарович Сотсков
Дата нараджэння	1 студзеня 1948(1948-01-01) (76 гадоў)
Месца нараджэння	Шахцёрск, Q28589977?, Углягорскі раён[d], Сахалінская вобласць, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	матэматыка
Месца працы	Навукова-даследчы інстытут сродкаў аўтаматызацыі[d] ІБіА Дзяржбуда БССР Аб’яднаны інстытут праблем інфарматыкі НАН Беларусі
Навуковая ступень	доктар фізіка-матэматычных навук (1991)
Навуковае званне	прафесар
Альма-матар	факультэт прыкладной матэматыкі і інфарматыкі БДУ
Член у	Амерыканскае матэматычнае таварыства
Прэміі
Узнагароды

Біяграфія

Нарадзіўся ў горадзе Шахцёрск (сучасны пасёлак гарадскога тыпу, Сахалінская вобласць, Расія). У 1971 годзе скончыў факультэт прыкладной матэматыкі Беларускага дзяржаўнага ўніверсітэта і працаваў у Навукова-даследчым інстытуце сродкаў аўтаматызацыі. З 1974 года старшы навуковы супрацоўнік, з 1976 года — загадчык сектара Канструктарска-тэхналагічнага бюро з вопытнай вытворчасцю Інстытута будаўніцтва і архітэктуры Дзяржбуда БССР. У 1980 годзе скончыў аспірантуру пры Інстытуце тэхнічнай кібернетыкі Акадэміі навук БССР. З 1978 года Ю. Н. Сацура працуе ў Інстытуце тэхнічнай кібернетыкі (сучасны Аб’яднаны інстытут праблем інфарматыкі НАН Беларусі): галоўны навуковы супрацоўнік, загадчык лабараторыі (1999—2005), намеснік дырэктара па навуковай рабоце (1994—1995).

Навуковая і грамадская дзейнасць

Аўтар больш за 230 навуковых прац па тэорыі раскладаў, тэорыі графаў, дыскрэтнай аптымізацыі, матэматычных метадах у эканоміцы, дадатках дыскрэтнай матэматыкі ў каляндарным планаванні і кіраванні.

Член Амерыканскага матэматычнага таварыства (1989).

Сярод апублікаваных прац:

• Сетевые модели и методы теории расписаний. — Киев, 1991;
• Математические модели и методы календарного планирования: Учебное пособие для математических специальностей вузов. / Ю. Н. Сотсков, В. А. Струсевич, В. С. Танаев. — Минск: Университетское, 1994;
• Радиус устойчивости e-приближенного решения булевой задачи минимизации линейной формы / Ю. Н. Сотсков. — Минск: Институт технической кибернетики, 1991;
• Теория расписаний: Системы с неопределёнными числовыми параметрами / Ю. Н. Сотсков, Н. Ю. Сотскова. — Минск : ОИПИ, 2004.

Узнагароды

• Дзяржаўная прэмія Рэспублікі Беларусь 1998 года.
• Медаль «За асваенне цалінных зямель» (1969).

Літаратура

• Савік М. П. Сацкоў Юрый Назаравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 209. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Сацкоў Юрый Назаравіч на сайце анлайн-энцыклапедыі «Беларусь у асобах і падзеях»
• Вучоныя Беларусі: Сацкоў, Юрый Назаравіч (доктар фізіка-матэматычных навук; нар. 1948) // Нацыянальная бібліятэка Беларусі
• Карточка учёного: Сотсков Юрий Назарович (руск.) // Цэнтральная навуковая бібліятэка НАН Беларусі
• Тузиков А. В. ЮРИЙ НАЗАРОВИЧ СОТСКОВ (К 60-летию со дня рождения) (руск.) // Информатика, № 1(17), 2008. — С. 147—148.