Юрый Радзівіл (1556—1600)

Юрый Радзівіл
Юрый Радзівіл
	; Ананімны партрэт (XVII стагоддзе)
	;
	біскуп Кракаўскі
	біскуп Кракаўскі
9 жніўня 1591 — 21 студзеня 1600
Царква	Каталіцкая Царква
Папярэднік	Пётр Мышкоўскі
Пераемнік	Бернард Мацяёўскі
Нараджэнне	31 мая 1556; Лукішкі пад Вільняй
Смерць	21 студзеня 1600 (43 гады); Рым
Пахаванне	Рым
Дынастыя	Радзівілы
Бацька	Мікалай Радзівіл «Чорны»
Маці	Альжбета Шыдлавецкая
Прыняцце свяшчэннага сану	10 красавіка 1583
Кардынал з	12 снежня 1583
	Выявы на Вікісховішчы

Юрый (Ежы) Радзівіл (31 мая 1556, в. Лукішкі, цяпер у межах Вільні — 21 студзеня 1600, Рым), царкоўны і дзяржаўны дзеяч Рэчы Паспалітай. Біскуп віленскі (1579—1591) і кракаўскі (з 1591), кардынал (1583).

БіяграфіяПравіць

Паходзіў з магнацкага роду Радзівілаў герба «Трубы», сын Мікалая Чорнага, канцлера вялікага літоўскага, і Альжбеты з Шыдлавецкіх. Меў братоў Мікалая, Альбрэхта, Станіслава.

Вучыўся ў Лейпцыгскім універсітэце (да 1572); вывучаў філасофію і тэалогію ў Рымскім калегіуме (1575—1576). У дзяцінстве выхоўваўся ў кальвінісцкім духу, у 1576 перайшоў у каталіцызм.

Каад'ютар (памочнік-намеснік) біскупа Валерыяна Пратасевіча (1574—1579). З 1579 года біскуп віленскі, атрымаў званне кардынала (1583). Актыўна змагаўся супраць Рэфармацыі, у 1581 упершыню ўвёў у сваёй дыяцэзіі цэнзуру друку, у 1582 на ўласныя сродкі адкрыў каталіцкую духоўную семінарыю ў Вільні. У 1582—1584 адначасова намеснік караля (губернатар) у Інфлянтах, але гэтая пасада была яму ў цяжар.

Пасля смерці Стэфана Баторыя на элекцыйным сойме 1587 падтрымліваў прадстаўніка аўстрыйскай дынастыі Габсбургаў Максіміліяна, але абраны быў Жыгімонт III Ваза. Пасля збліжэння Жыгімонта III у 1589 з Габсбургамі ўплыў Юрыя Радзівіла пры двары зноў вырас. 3 1591 года — біскуп кракаўскі. Спрыяў шлюбу Жыгімонта III з эрцгерцагіняй з дома Габсбургаў Ганнай (1592). Адзін з бліжэйшых дарадчыкаў караля, у 1596—1597 вёў перагаворы пра далучэнне Рэчы Паспалітай да антытурэцкай каталіцкай лігі.

Зноскі

СпасылкіПравіць

Jerzy Radziwiłł (польск.)
Біяграфія на сайце catholic-hierarchy.org (англ.)
Біяграфія на сайце mirandas (англ.)