Юдзіф Самойлаўна Гальперына

Юдзіф Самойлаўна Гальперына (18 сакавіка 1914, г. Мазыр, Гомельская вобласць — 12 красавіка 1985) — беларуская актрыса. Заслужаны артыст Беларускай ССР (1959).

Юдзіф Самойлаўна Гальперына
Дата нараджэння	5 (18) сакавіка 1914
Месца нараджэння	Мазыр, Мазырскі павет, Мінская губерня, Расійская імперыя
Дата смерці	12 красавіка 1985(1985-04-12) (71 год)
Грамадзянства	Расійская імперыя  БССР
Адукацыя	Беларуская тэатральная студыя пры Цэнтральным тэатральным вучылішчы ў Ленінградзе[d] (1937)
Прафесія	акцёрка
Тэатр	Беларускі дзяржаўны акадэмічны тэатр юнага гледача Пінскі абласны драматычны тэатр Магілёўскі абласны драматычны тэатр
Член у	БСТД
Узнагароды

Біяграфія

Скончыла ў 1937 годзе Беларускую студыю пры Цэнтральным тэатральным вучылішчы ў Ленінградзе. Працавала ў 1937—1940 гадах у Тэатры юнага гледача БССР, у 1940—1941 і 1945—1954 гадах у Пінскім абласным драматычным тэатры, у 1954—1984 гадах у Магілёўскім абласным драматычным тэатры.

Член Беларускага саюза тэатральных дзеячаў з 1955 года.

Творчасць

Выканаўца характарных роляў. Акрэсленасць і дакладнасць псіхалагічнай распрацоўкі вобраза спалучаліся з яркім знешнім малюнкам.

Сярод роляў: Агата, Паланея («Паўлінка», «Прымакі» Я. Купалы), Насця («Несцерка» В. Вольскага), Бабуля Ціханаўна («Даруй мне» К. Губарэвіча), Лявоніха («Лявоніха на арбіце» А. Макаёнка), Негіна, Аксюша («Таленты і паклоннікі», «Лес» А. Астроўскага), Нэнсі («Замак Броўдзі» паводле А. Кроніна), Клара Цэханасьян («Візіт старой дамы» Ф. Дзюрэнмата).

Літаратура

• Гальперына Юдзіф Самойлаўна // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).