Ян Галер

Ян Га́лер (польск.: Jan Haller, ням.: Johann Haller; 1467, Ротэнбург-об-дэр-Таўбер — 1525) — нямецкі кнігавыдавец, купец.

Ян Галер
Род дзейнасці	гандляр кнігамі, друкар, выдавец
Дата нараджэння	1467
Месца нараджэння	Ротэнбург-об-дэр-Таўбер, раён Ансбах, Сярэдняя Франконія, Баварыя
Дата смерці	каля 1525 ці 1525
Грамадзянства	Германія  Карона Каралеўства Польскага
Альма-матар	Ягелонскі ўніверсітэт
Медыяфайлы на Вікісховішчы

Тытульны аркуш выдання лістоў Феафілакта Сімакаты, перакладзеных Мікалаем Капернікам

У 1505—1525 у сваёй друкарні ў Кракаве надрукаваў 251 кнігу, пераважна на лацінскай мове. Выдадзеная літаратура вызначалася гуманістычным зместам. Акрамя царкоўных кніг і падручнікаў друкаваў працы выкладчыкаў універсітэта, гуманістаў (Сакран, Корвін, Урсін, Эразм Ратэрдамскі, Павел з Кросна, Я. Вісліцкі і інш.), творы антычных класікаў. У выданнях карыстаўся гербамі Польшчы, ВКЛ, Кракава, а таксама меў уласную манаграму.

Кнігі з друкарні Галера распаўсюджваліся і ў Беларусі. На думку беларускага даследчыка В. І. Дарашкевіча, Галер, мог быць знаёмы з Ф. Скарынам.

Літаратура

• Галер Ян // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2011. — Т. 2. — 544 с. — 3 000 экз. — ISBN 978-985-11-0570-6.

Спасылкі

• На Вікісховішчы ёсць медыяфайлы па тэме Ян Галер